spot_img
spot_img
spot_img
AFC Banner
Empty Ad
Empty Ad

ලොව හොඳම ගුවන් සේවා අතර ‘කටාර් එයාර්වේස්’ පෙරමුණට

ලොව හොඳම ගුවන් සේවාව ලෙස “කටාර් එයාර්වේස්” ගුවන් සේවය මෙවර තේරී පත්ව තිබෙනවා.

ඇමරිකාවේ ස්කයිට්‍රැක්ස් ආයතනය විසින් කරන ලද සමීක්ෂණයකට අනුවයි කටාර් එයාර්වේ ගුවන් සේවයට එම ස්ථානය හිමිව ඇත්තේ.

මෙම සමීක්ෂණයේදී දෙවන ස්ථානයට සිංගප්පූරු ගුවන් සේවය පත්ව ඇති අතර, 1999 වසරේ සිට පැවැත්වෙන මෙම සමීක්ෂණයට අනුව කටාර් ගුවන් සේවය 07 වරක් එහි ප්‍රථම ස්ථානය දිනා ගැනීමට සමත්ව තිබීම විශේෂත්වයක්.

2021 වසරේ සැප්තැම්බර් සිට 2022 වසරේ අගෝස්තු දක්වා කාලය තුළ ගුවන් සේවා සපයාගන්නා පාරිභෝගිකයින් මිලියන 14කට අධික පිරිසක් සම්බන්ධ කරගනිමින් මෙවර එම සමීක්ෂණය සිදුකර තිබෙනවා.

මෙම සමීක්ෂණයේ දී තුන්වන ස්ථානය දිනා ගැනීමට හැකිව ඇත්තේ එමිරේට්ස් ගුවන් සේවයටයි.

ගුවන් සේවාවක් පවත්වාගෙන යාමේදී පෙන්නුම් කරන කාර්යක්ෂමතාව, සේවකයින්ගේ ප්‍රියමනාප ක්‍රියාකලාපය, නවීන ගුවන් යානා භාවිතය, සුරක්ෂිතභාවය, නඩත්තුව, ආහාරපානවල ගුණාත්මක භාවය සහ පිරිසිදුකම ඇතුළු කරුණු රැසක් මූලික කරගනිමිනුයි මෙම සමීක්ෂණය සිදුකරනු ලබන්නේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
29
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?