Rajapura Handi Oil
Rajapura Diabetic Powder

කාන්තාවන්ට සහ තරුණයින්ට ධීවර ක්ෂේත්‍රයේ රැකියා අවස්ථා පුළුල් කිරීමට අවදානය

ජගත් ධීවර දිනය අදට (21) දී තිබෙනවා.

අදට යෙදෙන ලෝක ධීවර දිනය නිමිත්තෙන්, ශ්‍රී ලංකාව ඇතුළු ලොව පුරා වෙසෙන සියලුම ධීවර ප්‍රජාවට, සාගර සම්පත් මත යැපෙන ජනතාවට සහ ධීවර කර්මාන්තයේ නියැලී සිටින සැමට සිය ගෞරවනීය ආචාරය පුද කරන බව ධීවර, ජලජ හා සාගර සම්පත් අමාත්‍ය රාමලිංගම් චන්ද්‍රසේකර් පවසනවා.

ලෝක ධීවර දිනය වෙනුවෙන් විශේෂ පණිවුඩයක් නිකුත් කරමින් අමාත්‍යවරයා මේ බව සඳහන් කර තිබෙනවා.

ගෝලීය ආහාර සුරක්ෂිතතාව, පෝෂණය, රැකියා උත්පාදනය සහ ජනතාවගේ ජීවනෝපායන් තහවුරු කිරීම සඳහා ධීවර ක්ෂේත්‍රය අතිශය වැදගත් දායකත්වයක් සපයන බව අමාත්‍යවරයා සිය සුබ පැතුම් පණිවිඩය මඟින් පෙන්වා දෙනවා.

2026 වසරේ ලෝක ධීවර දිනය මගින් ධීවර හා ජලජීවී වගා ක්ෂේත්‍රය තුළ කාන්තාවන් සහ තරුණ පරපුර සඳහා ඇති අවස්ථා පුළුල් කිරීම, ආරක්ෂිත වැඩ පරිසරයක් නිර්මාණය කිරීම, කම්කරු අයිතිවාසිකම් තහවුරු කිරීම සහ ගෞරවනීය රැකියා අවස්ථා ප්‍රවර්ධනය කිරීම යන කරුණු කෙරෙහි විශේෂ අවධානයක් යොමු කර ඇති බව අමාත්‍යවරයා සිය සුබ පැතුම් පණිවිඩය මඟින් පෙන්වා දී තිබෙනවා.

අමාත්‍යවරයාගේ සුබ පැතුම් පණිවිඩය,

“ගෝලීය ආහාර සුරක්ෂිතතාව, පෝෂණය, රැකියා උත්පාදනය සහ ජනතාවගේ ජීවනෝපායන් තහවුරු කිරීම සඳහා ධීවර ක්ෂේත්‍රය අතිශය වැදගත් දායකත්වයක් සපයයි.

සාගර සම්පත් ආරක්ෂා කරමින් ඒවා තිරසර ලෙස භාවිත කිරීම තුළින් අනාගත පරපුර වෙනුවෙන් ද සශ්‍රීක සාගර පරිසරයක් උරුම කර දීම අප සැමගේ වගකීමකි.

වත්මන් ලෝකයේ සාගර ආර්ථිකය (නීල ආර්ථිකය) ප්‍රමුඛතම ආර්ථික ක්ෂේත්‍රයක් ලෙස වර්ධනය වෙමින් පවතී. අපේ රට වටා විශාල සාගර සම්පතක් පවතින අතර, එම සම්පත් නිසි ලෙස හා තිරසරව කළමනාකරණය කිරීමෙන් රටේ ආර්ථිකය ශක්තිමත් කිරීමට මෙන්ම ධීවර ප්‍රජාවගේ ආදායම සහ ජීවන තත්ත්වය ඉහළ නැංවීමට ද විවිධ අවස්ථා නිර්මාණය කළ හැකිය.

2026 වසරේ ලෝක ධීවර දිනය මගින් ධීවර හා ජලජීවී වගා ක්ෂේත්‍රය තුළ කාන්තාවන් සහ තරුණ පරපුර සඳහා ඇති අවස්ථා පුළුල් කිරීම, ආරක්ෂිත වැඩ පරිසරයක් නිර්මාණය කිරීම, කම්කරු අයිතිවාසිකම් තහවුරු කිරීම සහ ගෞරවනීය රැකියා අවස්ථා ප්‍රවර්ධනය කිරීම යන කරුණු කෙරෙහි විශේෂ අවධානයක් යොමු කර තිබේ.

මෙම ජාත්‍යන්තර අරමුණු අපේ රටේ ධීවර කර්මාන්තය නවීකරණය කිරීමටත්, ඒ හා බැඳුණු ජනතාවගේ ජීවනෝපාය නඟා සිටුවීමටත් මනා මඟපෙන්වීමක් සපයයි.

ධීවර ප්‍රජාවගේ ආර්ථික හා සමාජීය සුරක්ෂිතතාව තහවුරු කිරීම, ඔවුන් මුහුණ දෙන වෘත්තීය අභියෝග සඳහා තිරසර විසඳුම් ලබා දීම සහ සාගර සම්පත් සුරකිමින් ඵලදායීතාව ඉහළ නැංවීම අපගේ ප්‍රධාන අරමුණු වේ.

නවීන තාක්ෂණය, නව ධීවර ක්‍රමවේද, වෙළෙඳපොළ අවස්ථා, අගය එකතු කළ මත්ස්‍ය නිෂ්පාදන සහ අපනයන ක්ෂේත්‍රයන්හි නව ප්‍රගතියක් ඇති කරමින් ධීවර කර්මාන්තය ශක්තිමත් කිරීමට අපි පියවර ගනිමින් සිටිමු.

ධීවරයින්, මත්ස්‍ය නිෂ්පාදකයින්, වෙළෙඳුන්, සැකසුම් කර්මාන්තයේ නියැලෙන්නන් සහ සමුද්‍රීය සේවා සපයන්නන් ඇතුළු සාගර ආර්ථිකය මත යැපෙන සෑම පුද්ගලයෙකුගේම සුබසාධනය ඉහළ නැංවීම කෙරෙහි අපගේ අවධානය යොමු වී ඇත.

විශේෂයෙන්ම කාන්තාවන්ට සහ තරුණයින්ට මෙම ක්ෂේත්‍රය තුළ වැඩි අවස්ථා හිමිකර දෙමින්, ස්වයංපෝෂිත ආර්ථික ජීවිතයක් ගොඩනඟා ගැනීමට සුදුසු පරිසරයක් නිර්මාණය කිරීම අත්‍යවශ්‍ය වේ.

‘පොහොසත් රටක් – ලස්සන ජීවිතයක්’ යන අපගේ ප්‍රතිඥාව නිසැකවම යථාර්ථයක් බවට පත් කෙරෙනු ඇත.

එම ඉලක්කය ජය ගැනීමේදී ධීවර ජනතාවගේ ජීවන තත්ත්වය උසස් කිරීම, ඔවුන්ගේ පවුල්වල ආර්ථික ප්‍රගතිය සහ සාගර ආර්ථිකයේ වර්ධනය ප්‍රමුඛ ස්ථානයක් ගනී.

ධීවරයින්ගේ ශ්‍රමයට නිසි වටිනාකමක් ලබා දීමත්, ඔවුන්ගේ ජීවිතවලට නිසි රැකවරණයක් සහ අනාගතය පිළිබඳ විශ්වාසයක් ගොඩනැගීමත් අපගේ අරමුණයි.

සාගර සම්පත් සුරකිමු, ධීවර ප්‍රජාවගේ අයිතිවාසිකම් තහවුරු කරමු, තිරසර සාගර ආර්ථිකයක් තුළින් රටේ සංවර්ධනය ඉදිරියට ගෙන යමු.

ලෝක ධීවර දිනයේදී ධීවර ජනතාවගේ කැපවීම සහ ශ්‍රමය ඇගයීමට ලක් කරමින්, සැමට සෞභාග්‍යවත්, සුරක්ෂිත සහ ප්‍රීතිමත් අනාගතයක් උදා වේවායි මම ප්‍රාර්ථනා කරමි.”



අපගේ නවතම වීඩියෝ පුවත්
Video thumbnail
බිමල්ට පුදුම අමාරුවක් තියෙන්නේ - මගේ කතාව නවත්තලා වින්දනයක් ලබනවද?
Video thumbnail
නාමල්ට එක නීතියකුත් ජයකොඩිට තව නීතියකුත් වෙන්නේ කොහොමද..?
00:48
Video thumbnail
චාමර යකා නටයි - බල්ලොන්ටත් බලු වැඩ කරපු ආණ්ඩුවක් මේක
23:54
Video thumbnail
ත්‍රිකුණාමලය යුද හමුදා කඳවුරේත් විශාල ගින්නක් හටගෙන
01:05
Video thumbnail
නාමල් සහ චාමර වෙනුවෙන් දයාසිරි පාර්ලිමේන්තුවේ දෙවනත් කරයි
21:05
Video thumbnail
මීහරකෙක් ගියාම තණකොළ තමයි පේන්නේ - ඇමති හර්ෂණ විපක්ෂයට රිදෙන්නම දෙයි
15:54
Video thumbnail
අගමැතිනි ඉස්සරහා තියාගෙනම සජිත් කිව්ව කතාව
16:14
Video thumbnail
උදෙන්ම පන්නිපපිටිය රත්කළ ගින්නේ ඔබ නොදුටු දර්ශන
03:00
Video thumbnail
රට පරිවර්තනය වෙන වෙලාවේ විපක්ෂයත් පරිවර්තනය වෙන්න ඕනේ
16:43
Video thumbnail
මහින්ද කවදාවත් නංගි පෙන්නලා අක්කා දුන්නේ නෑ
12:16