ලොව සංගීත ප්‍රවාහ දැවැන්තයෙකු වන Spotify සමාගම සේවක කප්පාදුවක් සිදුකර තිබෙනවා.
පිරිවැය අවමකර ගැනීම හේතුවෙන් මෙලෙස එම සමාගම විසින් සේවකයින් 1,500ක් පමණ ඉවත්කර ඇති බවයි විදෙස් වාර්තා සඳහන් කළේ.
එය, එහි මුළු සේවක සංඛ්‍යාවෙන් 17%ක ප්‍රමාණයක් බව සඳහන්.
Spotify සමාගමේ ප්‍රධාන විධායක ඩැනියෙල් එක් පැවසුවේ ආර්ථික වර්ධනය මන්දගාමී වීමත් සමඟ මෙම දුෂ්කර තීරණය ගැනීමට සිදු වූ බවයි.
“වටිනා දායකත්වයක් ලබා දී ඇති පුද්ගලයන් ගණනාවකට මෙය බලපානු ඇති බව මම දන්නවා, මොකද කියනවා නම් බොහෝ බුද්ධිමත්, දක්ෂ හා වෙහෙස මහන්සි වී වැඩ කරන මිනිසුන් අපෙන් ඉවත්ව යනු ඇත.” යනුවෙන් ඩැනියෙල් එක් මේ සම්බන්ධයෙන් අදහස් දක්වමින් වැඩිදුරටත් සඳහන් කළා.
Spotify සමාගම හඳුන්වා දී ඇති ජංගම දුරකථන ඇප්එක මඟින් මාර්ගගත (ඔන්ලයින්) ක්‍රමය ඔස්සේ ගීතවලට සවන්දීමට එහි පරිශීලකයින්ට හැකියාව පවතිනවා.
ඔබේ ප්‍රතිචාරය කුමක්ද ?
+1
+1
+1
+1
1
+1
1
+1
1
+1
