ඉන්දියාව ලොව වඩාත්ම ජනාකීර්ණ රට ලෙස චීනය අභිබවා යමින් සිටින අවස්ථාවක සහ ජාත්යන්තර සමාගම් චීනයෙන් පිටත නිෂ්පාදන සඳහා නව කඳවුරු සොයමින් සිටින අවස්ථාවක ඉන්දියාවට සිය ශක්තිමත්භාවය නැවත ලබා ගැනීමට ඓතිහාසික අවස්ථාවක් උදා වී තිබෙන බව නිකොලස් ක්රිස්ටෝෆ් පවසනවා.
ජනමාධ්යකරණය වෙනුවෙන් වාර්ෂිකව පිරිනමන පුලිට්සර් සම්මානය දෙවරක් ජයග්රහණය කළ ලේඛකයෙකු වන නිකොලස් ක්රිස්ටෝෆ් මේ බව ප්රකාශ කර තිබුණේ නිව් යෝර්ක් ටයිම්ස් සඳහා ‘ඉන්දියාවට ලෝකය වෙනස් කළ හැකිද’ යන මාතෘකාවෙන් යුත් වාර්තාවක් සපයමින්.
ලොව මීළඟ ආක්රමණකාරී ආර්ථිකය ඉන්දියාව සතු විය හැකි බවටයි ඔහු ප්රකාශ කර ඇත්තේ.
ක්රිස්ටෝෆ් පවසන්නේ ඉන්දියාවේ අනාගතය පිළිබඳව තමාට එතරම් විශ්වාසයක් නොමැති නමුත් ආර්ථික වශයෙන් ඉහළ යාමට ඉන්දියාවට සටන්කාමී අවස්ථාවක් ඇති බව ඔහු විශ්වාස කරන බවයි.
අධ්යාපනය වැඩිදියුණු කිරීම, ශ්රම බලකායේ කාන්තාවන් ඉහළ නැංවීම සහ වැඩිදියුණු කිරීම මෙන්ම නිෂ්පාදනය වැඩි දියුණු කිරීමට අවශ්ය ව්යාපාරික වාතාවරණය සැකසීම යන ප්රධාන අභියෝග තුනට මුහුණ දෙන්නේ නම් ඉන්දියාවට මෙම ඉලක්කය ජය ගත හැකි බව ක්රිස්ටෝෆ් පෙන්වා දෙනවා.
ඉතිහාසය පිළිබඳ ආර්ථික ඇස්තමේන්තුවක තොරතුරු අනුව වර්ෂ 1700දී පමණ ඉන්දියාව ගෝලීය දළ දේශීය නිෂ්පාදිතයෙන් සියයට 24ක් පමණ වූ කොටසකට දායක වූ අතර, එය එවක එක්සත් ජනපදයේ හෝ යුරෝපයේ කොටසට සමාන කමක් දක්වා තිබුණා.
නමුත් අද ඉන්දියාව දායකත්වය දක්වන්නෙ ගෝලීය දළ දේශීය නිෂ්පාදිතයෙන් සියයට 3කට පමණක් බව ක්රිස්ටෝෆ් පෙන්වා දෙනවා.
එය 1993 වසරට වඩා සියයට 01ක වැඩිවීමක්.
කෙසේ වෙතත් ඔහු පෙන්වා දෙන්නේ නිෂ්පාදකයින් ආකර්ෂණය කර ගැනීමට අද ඉන්දියාවට නව අවස්ථාවක් ඇති බවයි.
චීනයේ වයස්ගත ජනගහනය ඉහළ යාමත් එරට වෙළඳ නාමය අපකීර්තියට පත් වීමත් හේතුවෙන් ගෝලීය සමාගම් නව නිෂ්පාදන පදනම් සොයා ගැනීමට උනන්දුවකින් පසුවනවා.
එහිදී ඉංග්රීසි කතා කරන්නන්, හුරුපුරුදු නීති පද්ධතිය, අඩු වියදම් සේවකයන් සහ ඉන්දියානු තාක්ෂණ ආයතනවලින් බිහිවන පළමු පෙළ ඉංජිනේරුවන් බිහි වීම වැනි කරුණු හේතුවෙන් ඉන්දියාවට වඩාත් වාසිදායක තත්ත්වයක් පවතින බවයි ක්රිස්ටෝෆ් පවසන්නේ.
නිව් යෝර්ක් ටයිම්ස් වාර්තාවට අනුව, ඉන්දියාවේ තොරතුරු තාක්ෂණ කර්මාන්තය විශ්මයජනක වන අතර, යම් ආකාරයකින්, එය එක්සත් ජනපදයට වඩා බොහෝ දියුණු තත්ත්වයක පවතිනවා.
