අනාරක්ෂිත අන්දමින් ඉදිරි පස රෝදය ඉහලට ඔසවා ගෙන, ඝෝෂාකාරී අන්දමින්, කොළඹ – මීගමුව මහා මාර්ගයේ කදාන – වැලිගම්පිටිය අතර ප්රදේශයේ දී මාර්ගයේ ගමන් ගත් වාහනවලට බාධාකාරී අයුරින්, යතුරු පැදි සහ ත්රිරෝද රථයක් අනතුරුදායක ලෙස ධාවනය කළ තරුණයන් 06 දෙනෙක් අද (30) අලුයම කදාන පොලීසියේ නිලධාරීන් පිරිසක් විසින් අත් අඩංගුවට ගෙන තිබෙනවා.
මොවුන් කදාන, බටගම ප්රදේශයේ පදිංචි, වයස අවුරුදු 20 ත් 22 ත් අතර පසුවන තරුණයන් පිරිසක් බවයි වාර්තා වන්නේ .
මෙම යතුරු පැදි සහ ත්රිරෝද රථ ධාවකයින් 06 දෙනා අතරින් 04 දෙනෙකුටම රියැදුරු බලපත්ර නොමැති අතර මෙම සියලුම වාහන වල අංක තහඩුව නොමැතිව ඔවුන් ධාවනයෙහි නිරත වී ඇති බවයි වාර්තා වන්නේ.
සැකකරුවන් අද (30) උදෑසන රාගම අධිකරණ වෛද්යවරයා වෙත ඉදිරිපත් කර ඇති අතර එහිදී මොවුන් විෂ මත්ද්රව්ය භාවිතා කර ඇති බවට කරුණු සනාථ වී තිබෙනවා.
කදාන පොලිසියේ රථවාහන අංශය විසින් වැඩිදුර විමර්ශන කටයුතු සිදු කරමින් සිටිනවා.
මෙම සැකකරුවන් පිරිස අද (30) දින වැලිසර මහේස්ත්රාත් අධිකරණය වෙත ඉදිරිපත් කිරීමට නියමිතයි.
