රුපියල් ලක්ෂ 25කට ආසන්න මැණික් ගල් සොරකමේ යෙදුණු පුද්ගලයින් තුන්දෙනෙකු පානදුර උතුර පොලිසිය මගින් අත්අඩංගුවට ගෙන තිබෙනවා.
දසත ප්රාදේශීය වාර්තාකරු පැවසුවේ, පානදුර උතුර පොලිස් අසමේ සාවියා පාර ප්රදේශයේ දී සැකකරුවන් ව අත්අඩංගුවට ගෙන ඇති බවයි.
පානදුර උතුර ප්රදේශයේ සාවියා පාර ප්රදේශයේ නවතා තිබූ මැණික් ව්යාපාරිකයෙකුට අයත් යතුරුපැදියේ අසුන යට බහා තිබූ මෙම මැණික් ගල් එම යතුරුපැදිය නවතා තිබියදී එහි අසුන ගලවා මැණික් ගල් සොරකම් කර තිබෙනවා.
ඉන්පසුව මැණික් ගල් කොළඹ ග්රෑන්ඩ්පාස් ප්රදේශයේ පුද්ගලයෙකු ලවා අලෙවි කිරීමට උත්සාහ කිරීමේ දී පොලිසිය මගින් පානදුර දකුණ ප්රධාන බස් නැවතුම්පොළේ දී මැණික් ගල් සමග පුද්ගලයකු අත්අඩංගුවට ගෙන ඇති බවයි පැවසෙන්නේ.
මෙම මැණික් ගල් සොරකම සම්බන්ධයෙන් සාවියා පාර ප්රදේශයේ පදිංචි පුද්ගලයින් දෙදෙනෙකු පානදුර උතුර පොලිසිය මගින් අත්අඩංගුවට ගෙන සිදු කළ විමර්ශනයක දී අනාවරණය වී ඇත්තේ මෙම පුද්ගලයින් දෙදෙනා විසින් මෙම මැණික්ගල් සොරකම් කර කොළඹ ග්රෑන්ඩ්පාස් ප්රදේශයේ පදිංචි පුද්ගලයකුට කොළඹ ප්රදේශයේ මැණික් ගල් අලෙවි කිරීමට උපදෙස් ලබා දී ඇති බවත් එම උත්සාහය ව්යාර්ථ වූ පසු එම මැණික් ගල් බණ්ඩාරගම අටළුගම ප්රදේශයට අලෙවි කිරීමට රැගෙන ඒමේදී පොලිසිය මගින් උපාය දූතයෙකු යොදවා පානදුර දකුණ ප්රධාන බස් නැවතුම්පළේදී මෙම සැකකරු අත්අඩංගුවට ගැනීමට හැකි වූ බවයි.
එහිදී පොලීසිය මගින් ඔහු පරීක්ෂා කිරීමේ දී සන්තකයේ තිබී ලක්ෂ විසිපහකට ආසන්න වටිනාකමක් සහිත විවිධ වර්ණයෙන් සහ විවිධ හැඩයන්ගෙන් සහ විවිධ වර්ගවලට අයත් මැණික් ගල් 27ක් සොයා ගැනුණා.
මෙම සොරකම සම්බන්ධයෙන් සිදු කළ විමර්ශනවල දී අනාවරණය වී ඇත්තේ මෙම පුද්ගලිත් තිදෙනාම අධික ලෙස මත්ද්රව්යවලට ඇබ්බැහි වූ පුද්ගලයන් වන අතර මීට පෙර ද ඔවුන්ට විවිධ සොරකම් සම්බන්ධයෙන් චෝදනා රැසක්ම එල්ල වී තිබෙන බවයි.
අත්අඩංගුවට පත් සැකකරුවන් අද (05) දින පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
