ඉන්දීය ප්රිමියර් ලීග් තරගාවලියේ ප්රසාද ලකුණු සටහනේ පෙරමුණ ගන්නට ශ්රී ලංකා වේග පන්දු යවන ක්රීඩක දුෂ්මන්ත චමීර නියෝජනය කරන ලක්නව් සුපර් ජයන්ට්ස් කණ්ඩායමට ඊයේ හැකියාව ලැබුණා.
ඒ, ඊයේ (08) රාත්රියේ කොල්කටා නයිට්රයිඩර්ස් කණ්ඩායම සමඟ පැවති තරග ලකුණු 75ක දැවැන්ත ජයක් වාර්තා කිරීමත් සමඟයි.
මෙම ජයත් සමඟ ලක්නව් කණ්ඩායම අවසන් පූර්ව වටය සඳහා ද සුදුසුකම් ලැබීම ද විශේෂත්වයක්.
ඊයේ තරගයේ දී පළමුව පන්දුවට පහරදුන් ලක්නව් ක්රීඩකයින් නියමිත පන්දුවාර 20 තුළ කඩුලු 07ක් දැවී ලකුණු 176ක් රැස් කිරීමට සමත් වුණා.
එහිදී ආරම්භක පිතිකරු කුවින්ටන් ඩී කොක් අර්ධ ශතකයක් රැස්කළ අතර දීපක් හූඩා ලකුණු 41ක් රැස් කළා.
පන්දු යැවීමේ දී කොල්කටා පිළේ ඇන්ඩ්රි රසල් කඩුලු 02ක් බිඳ දැමුවා.
පිළිතුරු ඉනිම ඇරඹු කොල්කටා පිතිකරුවන්ගෙන් මුල්පෙළ පිතිකරුවන්ට ලකුණු අතරට පැමිණීමට ලක්නව් පන්දු යවන්නන් ඉඩ ලබාදුන්නේ නැහැ.
කොල්කටා ඉනිමේ මුල්පෙළ පිතිකරුවන් පස්දෙනෙක්ම ඉතා අඩු ලකුණු සංඛ්යාවකට දවා ගැනීමට ලක්නව් පන්දු යවන්නන් සමත් වූ අතර සිය කණ්ඩායම ජයග්රහණය කරා රැගෙන යාමට තනිව සටනක් දියත් කළ ඇන්ඩ්රි රසල් දැවැන්ත හයේ පහර 05ක් සමඟ පන්දු 19කදී ලකුණු 25ක් රැස් කළා.
කෙසේ වෙතත් ඔහුට සිය කණ්ඩායම ජයග්රහණය සඳහා රැගෙන යාමට ලක්නව් වේග පන්දු යවන ක්රීඩක අවිශ්ඛාන් ඉඩ ලබා දුන්නේ නැහැ.
අවසානයේ කොල්කටා ඉනිම දැක්වුණේ පන්දුවාර 14යි පන්දු 03ක් තුළ සියල්ලන් දැවී ලකුණු 101ක් ලෙසටයි.
පන්දු යැවීමේදී සුපිරි පන්දු යැවීමක නිරත වූ දුෂ්මන්ත චමීර පන්දුවාර 03ක් යවා අවසන් කළේ ලකුණු 14කට එක් කඩුල්ලක් බිඳ දමමින්.
අවිශ්ඛාන් සහ ජේසන් හෝල්ඩර් අතරේ කඩුලු 03 බැගින් බෙදී ගියා.
ඒ අනුව මෙම තරගය ලකුණු 75කින් ජය ගන්නට ලක්නව් සුපර් ජයන්ට්ස් ක්රීඩකයින්ට හැකියාව ලැබුණා.
