ශ්රී ලංකාවේ වර්තමාන තත්ත්වය සම්බන්ධයෙන් නවසීලන්ත අග්රාමාත්ය ජසින්තා ආර්ඩන් අදහස් දක්වා තිබෙනවා. ඇය කියා සිටියේ නිවැරදි ආර්ථික කළමණාකරණයක් නොමැතිවීම ශ්රී ලංකාවේ තත්ත්වයට මූලික හේතුව බවයි.
උද්ධමනය ඉහළ යාම සහ ආහාර හිඟය ජනතා උද්ඝෝෂණවලට මූලික හේතුවී තිබෙනවා.
ශ්රී ලංකාවේ මෙම තත්ත්වය සම්බන්ධයෙන් නවසීලන්තය අවධානයෙන් පසුවන බව කියා සිටි අග්රාමාත්යවරිය තවදුරටත් ප්රකාශ කළේ සියලු දෙනා එකතු වී මෙම තත්ත්වයට විසඳුම් සෙවිය යුතු බවයි.
ශ්රී ලංකා නායකත්වයේ ක්රියා පිළිවෙත හෙළා දකින ලෙස නවසීලන්ත රජයට බලකරමින් නවසීලන්තයේ වෙසෙන ශ්රී ලාංකිකයින් පෙත්සමකට අත්සන් තබමින් සිටින බවයි එරටින් ලැබෙන වාර්තා සඳහන් කර සිටින්නේ.
ඇය ශ්රී ලංකාවේ නායකත්වය හෙළා දකිනවාද යන්න නවසීලන්ත අගමැතිවරියගෙන් විමසු විට ඇය සඳහන් කළේ ලාංකික ජනතාවගේ කලකිරීම ගැන තමන්ට අවබෝධ වන බවයි.
