රිය අනතුරකින් පොලිස් නිලධාරියෙකු මරුට

පාදුක්ක ඉංගිරිය මාර්ගයේ කැන්දලන්ද ප්‍රදේශයේදී සිදු වූ අනතුරකින් පොලිස් නිලධාරියෙකු ජීවිතක්ෂයට පත්වී තිබෙනවා.

අද දහවල් පාදුක්ක දෙස සිට ඉංගිරිය දෙසට ධාවනය වූ පොලිස් නිලධාරියා ගමන් කළ යතුරුපැදිය එම දිශාවටම ධාවනය වූ ලොරියක් පසුකර යාමට උත්සාහ කිරීමේදී එම ලොරියේ ගැටී විසිවී ගොස් විරුද්ධ දිශාවෙන් පැමිණි තවත් කුඩා ලොරියකට යටවීමෙනුයි අනතුර සිදුවී ඇත්තේ.

අනතුරින් බරපතල තුවාල ලැබූ පොලස් නිලධාරියා ඉංගිරිය රෝහලට ඇතුලත් කිරීමේදී මියගොස් තිබෙනවා.

කලවාන නාවලකන්ද ප්‍රදේශයේ පදිංචි 34 හැවිරිදි මෙම නිලධාරියා අතුරුගිරිය පොලිසියට අනුයුක්තව රාජකාරී කරන අයෙක්.

මෘත ශරීරය ඉංගිරිය රෝහලේ මෘත ශරීරාගාරයේ තැන්පත් කර තිබෙනවා.

අනතුර සම්බන්ධයෙන් විරුද්ධ දිශාවෙන් පැමිණි ලොරියේ රියදුරා අත්අඩංගුවට ගෙන ඇති අතර අනෙක් ලොරියේ රියදුරා අත්අඩංගුවට ගැනීමට පොලිස් පරීක්ෂණ ක්‍රියාත්මකයි.