අම්පාර සිට කොළඹ බලා ධාවනය වූ ලංගම බස් රථයක් ඊයේ රාත්‍රියේ ඉගිනියාගල, දේවාලහිඳ, පහේ කණුව ප්‍රදේශයේ දී අනතුරකට ලක්ව තිබෙනවා.
බස් රථයේ රියදුරුට හදිසියේ ඇති වූ හෘදයාබාධයක් හේතුවෙන් මෙම අනතුර සිදුව ඇති බවයි තොරතුරු වාර්තා වන්නේ.
බස් රථයේ රියදුරු රියදුරු අසුනේම ජීවිතක්ෂයට පත්ව ඇති අතර, බස් රථ අනතුරින් එහි ගමන් ගත් මගියෙක් සුළු තුවාල ලබා තිබෙනවා.
බස් රථය අම්පාර සිට කොළඹ බලා ධාවනය වන අවස්ථාවේ දී එහි රියදුරු ඉඟිණියාගල ප්‍රදේශයේ දී වෛද්‍යවරයෙකු හමු වී රෝගයකට ප්‍රතිකාර ලබාගෙන ඇති බවට ද තොරතුරු වාර්තා වනවා.
එහිදී වෛද්‍යවරයා පවසා ඇත්තේ බස් රථය ධාවන කිරීමෙන් වළකින ලෙසයි.
කෙසේ වෙතත් බස් රථ රියදුරා වෛද්‍ය උපදෙස් නොතකා රථය කොළඹ බලා ධාවන කිරීම අරඹා ඇති අතර, ඒ අතර තුරයි මෙලෙස අනතුරට මුහුණ පා ඇත්තේ.
අනතුරින් ජීවිතක්ෂයට පත්ව ඇත්තේ 49 හැවිරිදි දෙදෙරු පියෙක් බවයි වාර්තා වන්නේ.
