රත්තරං ගැන ඉන්දියාවෙන් ඇහෙන අපූරු කතාවක්

රත්‍රං, ඉන්දියාවේ ධනය හා සමෘද්ධියේ සංකේතයක් ලෙස සැලකෙනවා.

එය ඉන්දියාවේ සංස්කෘතිය හා සම්ප්‍රදාය තුළ ගැඹුරින් මුල් බැස ඇති අතර කාන්තාවන් සඳහා තීරණාත්මක වැදගත්කමක් දරනවා.

ඕනෑම කුඩා සාම්ප්‍රදායික කටයුත්තක් හෝ විවාහයක් වේවා, රන් ඉන්දියානුවන්ට අත්‍යවශ්‍යයි.

කාන්තාවන් දිනපතාම මෙම වටිනා ලෝහය පළඳින අතරම ඒ නිසාම කරන මිල දී ගැනීම් නිසා ඔවුන් සතුව ඇති ප්‍රමාණය වැඩි වී තිබෙනවා.

ඒ අනුව ඉන්දීය කාන්තාවන් සතුව පවතින රන් ප්‍රමාණය ලොව ඉහළම අගයයි.

ලෝක රන් කවුන්සිලයේ වාර්තාවකට අනුව ඉන්දියානු කාන්තාවන් සතුව ඇති සමස්ත රත්‍රං තොගය ටොන් 24,000ක්.

එම ප්‍රමාණය ඕනෑම රටක් සතු රත්‍රං ප්‍රමාණයට වඩා බෙහෙවින් වැඩි වීම විශේෂත්වයක් වනවා.

වාර්තාවලට අනුව, ලෝකයේ මුළු රන් ප්‍රමාණයෙන් සියයට 11ක් ඇත්තේ ඉන්දියානු කාන්තාවන් සතුයි.

එය ලෝකයේ හොඳම රටවල් 5 හි ඒකාබද්ධ රන් ගබඩාව අබිබවා යනවා.

ඉහළම රත්‍රං ගබඩා කර ඇති රටවල් 5 අතරට, එක්සත් ජනපදය රත්‍රං ටොන් 8,000 ක්, ජර්මනිය ටොන් 3,300 ක්, ඉතාලිය ටොන් 2,450 ක්, ප්‍රංශය ටොන් 2,400 ක් සහ රුසියාව ටොන් 1,900 ක් ලෙස සඳහන්.

ඉන්දියාවේ දකුණු ප්‍රදේශයේ කාන්තාවන් ඉන්දියාවේ රත්‍රංවලින් සියයට 40 ක් ද, තමිල්නාඩුව පමණක් සියයට 28 ක් ද සතුවන බව එම වාර්තාවේ වැඩිදුරටත් සඳහන් වනවා.

විවාහක කාන්තාවන්ට කිසිදු බදු ගෙවීමකින් තොරව රත්‍රන් ග්‍රෑම් 500 ක් දක්වා තබා ගැනීමට ඉන්දීය නීති අවසර දී තිබෙනවා.

අවිවාහක කාන්තාවන් සඳහා මෙම සීමාව ග්‍රෑම් 250 ක්.

කෙසේ වෙතත්, පිරිමින්ට තබා ගත හැක්කේ රත්රන් ග්‍රෑම් 100 ක් පමණයි.