මෙරට ඉදිරියට ගෙන යාම සඳහා සියලු මිත්‍රශීලී රටවල සහාය තමාට හිමි ව ඇති බව ස්වාධීන අපේක්ෂක වත්මන් ජනාධිපති රනිල් වික්‍රමසිංහ පවසනවා.
ජනාධිපතිවරයා මේ බව සඳහන් කර සිටියේ අද (16) පෙරවරුවේ කන්තලේ දුම්රියපොළ ඉදිරිපිට පැවති “රනිල්ට පුළුවන්” විජයග්‍රාහී ජන රැලිය අමතමින්.
ඉන්දියාව සමඟ එක්ව ත්‍රිකුණාමලය පුළුල් සංවර්ධනයකට ලක් කරන බවත්; බිඳ වැටුණු මෙරට ආර්ථිකය නැවත ගොඩනැඟීමට පසුගිය දෙවසර තුළ රජය ගෙන ගිය වැඩපිළිවෙළ හේතුවෙන්, රට ඉදිරියට ගෙන යාමේ ගමනට ඉන්දියාව, ජපානය ඇතුළු සියලු මිත්‍රශීලි රටවල සහාය හිමිව තිබෙන බවත් ජනාධිපතිරයා ප්‍රකාශ කළා.
තම රජයක් යටතේ ඉදිරි වසර 05ක කාලය තුළ මුළුතැන්ගෙයි සටන අවසන් කරන බවත්; අද දේශප්‍රේමිත්වය ගැන කථා කරන සජිත් හා අනුර ආර්ථික අර්බුදය හමුවේ ජනතාව අතහැර පලා ගිය අයවලුන් බව ද ජනාධිපතිවරයා මෙහිදී මතක් කර සිටියා.
එළැඹෙන ජනාධිපතිවරණයේ දී ජනාධිපති රනිල් වික්‍රමසිංහගේ විජයග්‍රණය තහවුරු කිරීම වෙනුවෙන් සංවිධානය කර තිබූ මෙම ජන රැලියට අතිවිශාල ජනතාවක් එක්ව සිටි බවයි වාර්තා වන්නේ.
