රජයේ ඖෂධවේදීන්ගේ සංගමය විසින් ලබන 31 වනදා පෙරවරු 08.00 සිට එක්දින වෘත්තීය ක්රියාමාර්ගයක නිරතවීමට තීරණය කර තිබෙනවා.
අමතර සේවා දීමනා සම්බන්ධයෙන් මතුව ඇති ගැටලු කිහිපයක් මුල්කර ඔවුන් මෙම වෘත්තීය ක්රියාමාර්ගයට එළඹීමට නියමිත බවයි වාර්තා වන්නේ.
2026 අගෝස්තු 29 වනදින මුල් කරගනිමින් සෞඛ්ය ලේකම්වරයා විසින් චක්රලේඛයක් නිකුත් කර ඇති අතර, එහිදී ඖෂධවේදීන්ගේ අධිකාල දීමනා නිල නාමය වෙනස්කර, අමතර සේවා දීමනා ලෙස සංශෝධනය කර තිබෙනවා.
ඉන් අනතුරුව කිසිදු පිළිගත හැකි හේතුවක් නොදන්වා වෛද්ය සේවාව විසින් සිදු කරනු ලබන බලපෑම පදනම් කරගෙන එම චක්රලේඛය අවලංගු කර ඇති බව පෙන්වා දෙන එම සංගමය එම ගැටලු සම්බන්ධයෙන් මෙතෙක් පිළිගත හැකි විසඳුමක් ලබාදීමට බලධාරීන් කටයුතු කර නොමැති බවයි පවසන්නේ.
ඒ, අනුව අදාළ චක්රලේඛය බලගන්වන ලෙස ඉල්ලා සිටින අතරම, එසේ නොකරන්නේ නම් එය බලගන්නවන ලෙස බලකරමින් මෙම එක්දින වැඩ වර්ජනය ක්රියාත්මක කිරීමට තීරණය කළ බවයි රජයේ ඖෂධවේදීන්ගේ සංගමය වැඩිදුරටත් සඳහන් කළේ.
මෙම වෘත්තීය ක්රියාමාර්ග සියලුම මාතෘ හා ළමා රෝහල්, පිළිකා රෝහල් සහ මානසික සෞඛ්ය ආයතනවල ක්රියාත්මක නොවන බවත්, සෙසු සියලුම රෝහල් තුළ හදිසි සහ අත්යවශ්ය සේවාවන් පවත්වාගෙන යාම සඳහා විශේෂ වැඩපිළිවෙළක් සූදානම් කර ඇති බවත් ඒ ඒ ආයතන සහ රෝහල් තුළ ප්රධාන ඖෂධවේදීන් අමතා ආයතන ප්රධානීන්ට එම සේවාවන් ලබාගත හැකි බවත් එම සංගමය පැවසුවා.
