රුසියාව යුක්රේනය හරහා යුරෝපයට ගෑස් සැපයීම සිදු කිරීම නතර කර තිබෙනවා.
රොයිටර්ස් පුවත් සේවය වාර්තා කළේ; මෙතෙක් කළ ගනුදෙනුව කල් ඉකුත් වීම මත යුක්රේනය සහ රුසියාව අතර මෙම ව්යාපාරික කටයුත්ත පිළිබඳ ව එකඟතාවක් නිර්මාණය කරගැනීමට නොහැකි වීම මීට හේතුව බවයි.
සෝවියට් යුගයේ සිට රුසියාවේ ස්වාභාවික ගෑස් යුක්රේනය හරහා අපනයනය කෙරුණු අතර එය නව අවුරුදු උදාවත් සමග නතර කෙරුණා.
එමෙන්ම යුක්රේනය ද රුසියාවෙන් ගෑස් මිලට ගැනීම නතර කර තිබෙනවා.
“අපි රුසියානු ගෑස් සංක්රමණය නැවැත්තුවා. මෙය ඓතිහාසික සිදුවීමක්. රුසියාවට වෙළෙඳපොළ අහිමි වෙනවා, මූල්යමය පාඩු ලබනවා. රුසියානු ගෑස් අත්හැරීමට යුරෝපය දැනටමත් තීරණය කර තිබෙනවා” යනුවෙන් යුක්රේනයේ බලශක්ති අමාත්ය ජර්මන් ගලුෂ්චෙන්කෝ නිවේදනයක් නිකුත් කරමින් කියා සිටියා.
2022 පෙබරවාරි මස ආරම්භ වූ යුද්ධය මධ්යයේ ගෑස් ප්රවාහය නැවැත්වීම අපේක්ෂා කෙරුණු අතර යුක්රේනය මිලිටරි ගැටුම් මධ්යයේ මෙම ගනුදෙනුව දීර්ඝ නොකරන බවට දැඩි ලෙස ප්රකාශ කර තිබෙනවා.
