ගතවු පැය 24 තුළ දිවයින පුරා ක්‍රියාත්මක කෙරුණු යුක්ති මෙහෙයුමෙන් අපරාධකරුවන් 1101 ක් අත්අඩංගුවට ගෙන තිබෙනවා.
එහිදී මත්ද්‍රව්‍ය වැරදි සම්බන්ධ සැකකරුවන් 1030 ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 71 ක් අත්අඩංගුවට ගත් බවයි පොලිසිය සදහන් කළේ.
මත්ද්‍රව්‍ය වැරදි සම්බන්ධව අත්අඩංගුවට ගත් සැකකරුවන් 1030 දෙනා අතරින් 46 දෙනෙකුට රැදවුම් නියෝග මත වැඩිදුර විමර්ශන සිදුකරන අතර, මත්ද්‍රව්‍ය වලට ඇබ්බැහිවුවන් 17 ක් පුනරුත්තාපනය සදහා යොමු කර තිබෙනවා.
එමෙන්ම පොලිස් මත්ද්‍රව්‍ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 43 ක් ද මෙහිදී අත්අඩංගුවට ගත් පිරිසට අයත් වනවා.
මිට අමතරව අපරාධ අංශ වෙත යොමු කළ ලැයිස්තුවේ අත්අඩංගුවට ගත් සැකකරුවන් 71 දෙනා අතරින්, මත්ද්‍රව්‍ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 5 ක්, මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 63 ක්, ඇගිලි සටහන් ඔස්සේ එක් අත්අඩංගුවට ගැනීමක් සහ අපරාධ වලට අවශ්‍ය කරන සැකකරුවන් 2 ක් ඇතුලත්.
එමෙන්ම මෙම මෙහෙයුමේදී අත්අඩංගුවට ගත් මත්ද්‍රව්‍ය ප්‍රමාණයන් පහත දැක්වෙනවා.
හෙරොයින් 427g 937mg
අයිස් 294g 196mg
ගංජා 39Kg 206g
මාවා 448g 11mg
තූල් 34g 495mg
මදන මෝදක 82g 85mg
මත්පෙති 884
ගංජා පැළ 50
