Rajapura Handi Oil
Rajapura Diabetic Powder

යතුරුපැදිකරු බස් රථයට යට වී මරුට

බී.සී.සී. පාලම ආසන්නයේ දී ආමර්වීදිය දෙස සිට සංඝරාජ මාවත දෙසට ධාවනය වූ යතුරුපැදියක් පැදිකරුට පාලනය කර ගැනීමට නොහැකිව මාර්ගයේ පෙරලී එම දිශාවටම ධාවනය වූ බස් රථයකට යට‍වීමෙන් අනතුරක් සිදු වුණා.

අනතුරින් යතුරුපැදිකරු තුවාල ලබා ප්‍රතිකාර සඳහා කොළඹ ජාතික රෝහලට ඇතුළත් කිරීමේ දී ජීවිතක්ෂයට පත් වූ බවයි පොලිස් මාධ්‍ය ප්‍රකාශක කාර්‍යාලය නිවේදනය කර ඇත්තේ.

මරණකරු වයස අවුරුදු 46 ක් වන කොළඹ 15 ප්‍රදේශයේ පදිංචිකරුවෙක්.

මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර බස් රථයේ රියදුරු අත්අඩංගුවට ගෙන තිබෙනවා.

මරදාන පොලිසිය වැඩිදුර විමර්ශන සිදු කරනවා.