මේ වනවිට යුක්රේනයේ සංචාරයක නිරත ඉන්දීය අග්රාමාත්ය නරේන්ද්ර මෝදි සහ යුක්රේන ජනපති සෙලෙන්ස්කි අතර ද්විපාර්ශ්වික සාකච්ඡා පවත්වා තිබෙනවා.
මෙහිදී රුසියාව සහ යුක්රේනය අතර පවතින යුද්ධය සම්බන්ධයෙන් ප්රධාන වශයෙන් අවදානය යොමුව ඇති බවයි වාර්තා වන්නේ.
රුසියානු ජනාධිපති ව්ලැද්මීර් පුටින් සමඟ රාජ්යතාන්ත්රික සාකච්ඡාවක් පවත්වන ලෙසට එහිදී මෝදි අග්රාමාත්යවරයා යුක්රේන ජනාධිපතිට උපදෙස් දී ඇති බවයි විදෙස් මාධ්ය වාර්තා කළේ.
මේ අතර ඉන්දියාවේ නිල සංචාරයක් සඳහා පැමිණෙන ලෙස ඉන්දීය අග්රාමාත්යවරයා යුක්රේන ජනපති සෙලෙන්ස්කිට ආරාධනාවක් ද සිදුකර තිබෙනවා.
එම ආරාධනය සෙලෙන්ස්කි ජනාධිපතිවරයා විසින් පිළිගෙන ඇති බවයි වාර්තා වුණේ.
මේ අතර රුසියානු – යුක්රේන යුද්ධයෙන් මියගිය දරුවන් අනුස්මරණය කිරීමට සහ කියෙව් අගනුවර මහත්මා ගාන්ධි ස්මාර්කය නැරඹීමට මෝදි අග්රාමාත්යවරයා එක්ව තිබෙනවා.
1991 වසරේ දී යුක්රේනය සෝවියට් සමූහාණ්ඩුවෙන් නිදහස ලබා ගැනීමෙන් පසුව ඉන්දීය අග්රාමාත්යවරයෙක් යුක්රේනයේ සංචාරය කෙරෙන පළමු අවස්ථාව මෙය වනවා.
