මොරටුව, රතුකුරුසවත්ත ප්‍රදේශයේ නිවසක් තුළ දී පුද්ගලයෙකුට තියුණු ආයුධයකින් පහර දී ඝාතනය කර තිබෙනවා.
මෙලෙස ඝාතනයට ලක්ව ඇත්තේ හරේන්ද්‍ර කුමාර නැමති 42 හැවිරිදි වියේ පසුවන අයෙක් බවයි වාර්තා වුණේ.
මෙම සිද්ධිය පිළිබඳව විස්තර කරමින් ප්‍රදේශවාසීන් පවසන්නේ ඊයේ (14) රාත්‍රී එකොළහට පමණ එම නිවස දෙසින් කෑගසන ශබ්දයක් ඇසුණු බවයි.
ටික වේලාවකට පසු නිවස තුළින් පිරිත් ශ්‍රවණයවීමත් සමඟ ඒ පිළිබඳව සොයා බැලීමට නිවසට කිසිවෙක් නොගිය බවයි ප්‍රදේශවාසීන් වැඩිදුරටත් සඳහන් කළේ.
මේ අතර කෑ ගැසීමට නොහැකි ආකාරයෙන් බිරිඳව කඹයකින් ගැට ගසා තිබී ඇති අතර, පසුව ඇය කෙසේ හෝ උත්සාහ කර ජංගම දුරකථනයෙන් අසල්වාසී කාන්තාවකට ඇමතුමක් ලබාගෙන තිබෙනවා.
පසුව දුරකථනයෙන් කෙඳිරි හඬක් ඇසීම හේතුවෙන් ඇමතුම ලැබුණු කාන්තාව නිවසට පැමිණ බැලීමේ දී මෙම සිද්ධිය දැක ඇති බව සඳහන්.
අනතුරුව බිරිඳව වහාම රෝහල්ගත කිරීමටයි කටයුතු කර ඇත්තේ.
මෙම ඝාතනය කුමන හේතුවක් මත සිදුවූවා ද යන්න අනාවරණ වී නොමැති අතර, මොරටුව පොලිසිය වැඩිදුර විමර්ශන සිදුකරනු ලබනවා.
