මෙම මාසයට පමණක් මේ වනවිට (14) ඩෙංගු රෝගීන් 1247ක් වාර්තා වී ඇති බව ජාතික ඩෙංගු මර්දන ඒකකයේ; ප්රජා සෞඛ්යය විශේෂඥ වෛද්ය අනෝජා ධීරසිංහ මහත්මිය පවසනවා.
විශේෂඥ වෛද්යවරිය පැවසුවේ; පවතින අයහපත් කාලගුණික තත්ත්වය හේතුවෙන් ඉදිරියේ දී වාර්තා වන ඩෙංගු රෝගීන්ගේ සංඛ්යාව වර්ධනය වීමට ඉඩකඩ ඇති බවයි.
මෙම වසරට පමණක් ඩෙංගු රෝගීන් 40,658ක් සෞඛ්ය අමාත්යාංශයට වාර්තා වී ඇති බවට ද විශේෂඥ වෛද්ය අනෝජා මහත්මිය පැවසුවා.
ඇය සඳහන් කළේ; ඉන් වැඩිම ප්රමාණයක් ගම්පහ දිස්ත්රික්කයෙන් වාර්තා වී ඇති අතර, කොළඹ, කළුතර, රත්නපුර, මාතලේ, ගාල්ල හා මාතර යන දිස්ත්රික්කවලින් ද වැඩි වශයෙන් ඩෙංගු රෝගීන් වාර්තා වී ඇති බවයි.
මේ ගෙවෙන 41 වැනි සතියේ රෝගීන් 693ක් වාර්තා වී ඇති බව ද ජාතික ඩෙංගු මර්දන ඒකකය නිවේදනය කරනවා.
එබැවින් මේ දිනවල පවතින අධික වර්ෂාපතනය හේතුවෙන් හැකිතාක් දුරකට නිවෙස් අවට, පාසල් හා ආයතනවල ද ඩෙංගු මදුරුවන්ට රැඳී සිටීමට හැකි ස්ථාන වෙතොත් විනාශ කර දැමීමට කටයුතු කරන ලෙසයි විශේෂඥ වෛද්ය අනෝජා ධීරසිංහ මහත්මිය මහජනතාවගෙන් ඉල්ලා සිටින්නේ.
