රට තුළ ආර්ථීක අර්බුදයක් ඇති වේ යැයි දැන දැන ම ආණ්ඩුව විදෙස් ණය ගෙව්වේ කුමක් නිසා දැයි ඉලංගෙයි තමිල් අරසු කච්චි පාර්ලිමේන්තු මන්ත්රී ශ්යානක්යන් රාසමානික්කම් ප්රශ්න කර සිටිනවා.
වසර දෙකකට පෙර ස්වෛරී බැඳුම්කර ගෙවිය නොහැකිව අසාදුගත කර (Black List) තිබියදී ආණ්ඩුව ණය ගෙවා ඇති හෙයින් මෙසේ ගෙවා ඇත්තේ රාජපක්ෂ පවුලේ අන්තර්ජාතික ස්වෛරී බැඳුම්කර දැයි සැකයක් පවතින බවයි පාර්ලිමේන්තුවේදී ඔහු සඳහන් කළේ.
එසේ නොමැති නම් ආණ්ඩුව අසමත්ව, ආහාර අර්බුදයක් ඇති වී ජනතා විරෝධයක් මතුවීමෙන් ආණ්ඩුවට ගෙදර යන්නට වනු ඇතැයි දැන දැන එලෙස ණය ගෙව්වේ කුමක් නිසා දැයි ඔහු වැඩිදුරටත් ප්රශ්න කර සිටියා.
“අවුරුදු දෙකකට කලින් ස්වෛරී බැඳුම්කර ගන්න අපට අවස්ථාව නෑ. බ්ලැක් ලිස්ට් කියලා. එහෙනම් ඇයි මේ ණය ගෙව්වේ කියලා අපිට පැහැදිලි සැකයක් තියෙනවා. මේ පහුගිය අවුරුදු දෙක ඇතුළත ගෙවපු ණය මට නම් හිතෙන්නේ රාජපක්ෂ පවුලේ ISB (International Sovereign Bonds) ද දන්නෙ නෑ. නැත්නම් මිනිසුන්ට කන්න බොන්න නැති වෙයි, බඩගිනි වෙයි, පොහොර නැති වෙයි කියලා දැන දැන මෙච්චර ආණ්ඩුව ජනතාව ඉස්සරහ අසමත් වෙයි, ජනතාව තරහා වෙයි, ඡන්දේ පරදියි, ගෙදර යන්න වෙයි කියලා දැන දැන ඇයි මේ ණය ගෙව්වේ? ඉදිරි අනාගතේ ගෙවන්න ඉන්නේ.
මතක තියාගන්න හැමදාම සටන් කරන්නේ ගමේ ඉන්න මිනිස්සු. ගමේ මිනිස්සු උද්ගෝෂණය කරලා, උද්ඝෝෂණය කරලා මහන්සි වෙලා ඉන්නේ. නැතිනම් ගමේ මිනිස්සු බස් එකේ කොළඹට එනවා. ගොවීන්ට පොහෝර දෙන්නේ නැතුව, කන්න බොන්න නැතුව ඉන්නකොට කොහොමද ඒ අය බස් උස්සන් කොළඹ එන්නේ? ඒ නිසා අද මේ සටන කරන්න ඕනේ බස්නාහිර ජනතාව. මේ සටන බස්නාහිර පළාතේ ඉන්න, කොළඹ, ගම්පහා, කළුතර මිනිස්සු අතහරින්න එපා. මේක ඇදගෙන යමු“
