ශ්‍රී ලංකාවේ ප්‍රංශ තානාපති කාර්යාලයේ The First Counsellor සහ නියෝජ්‍ය ප්‍රධානී Marie-Noëlle Duris මහත්මිය අද (29) දින ශ්‍රී ජයවර්ධනපුර, කෝට්ටේ ආරක්ෂක මූලස්ථාන සංකීර්ණයේ පිහිටි ආරක්ෂක අමාත්‍යංශයේ දී ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) හමු වුණා.
ආරක්ෂක අමාත්‍යාංශය නිවේදනය කළේ; දෙපාර්ශ්වයේ නිලධාරීන් සුහද සාකච්ඡාවක නිරත වෙමින් දෙපාර්ශ්වයට වැදගත් වන ආරක්ෂක කටයුතු සම්බන්ධයෙන් සාකච්ඡා කළ බවයි.
එයාර් වයිස් මාර්ෂල් තුයියකොන්තා (විශ්‍රාමික) විසින් ප්‍රංශ නියෝජිතවරිය උණුසුම් අයුරින් පිළිගනු ලැබූ අතර මෙම සාකච්ඡාවේ දී දෙරට අතර, පවතින දීර්ඝ කාලීන ආරක්ෂක සබඳතා තවදුරටත් ශක්තිමත් කර ගැනීමේ අරමුණින් දෙරටටම අදාළ කරුණු කිහිපයක් ද සාකච්ඡා කළ බවයි වාර්තා වන්නේ.
මෙම අවස්ථාවට ප්‍රංශ තානාපති කාර්යාලයේ සමුද්‍රීය ආරක්‍ෂාව භාර ප්‍රංශ හමුදා තාක්‍ෂණික සහයෝගීතා නිලධාරි, කොමාණ්ඩර් Jean-Baptiste Trouche ද සහභාගී වුණා.
