ජනවාරි මාසයේ සිට සැප්තැම්බර් 25 වනදා දක්වා කාලය තුළ සිදුකළ මෙහෙයුම්වල දී ශ්‍රී ලංකා නාවික හමුදාව විසින් මත්ද්‍රව්‍ය ජාවාරමට සම්බන්ධ පුද්ගලයින් 300ක් නීතිය හමුවට යොමුකර ඇති බව කමාන්ඩර් චමින්ද වළාකුළුගේ පවසනවා.
රටම එකට ජාතික මෙහෙයුමේ ප්‍රගතිය පිළිබඳව අද (25) පැවති ප්‍රවෘත්ති සාකච්ඡාවක දී ඔහු මේ බව සඳහන් කළා.
මෙම මෙහෙයුම්වල දී මත්ද්‍රව්‍ය ප්‍රවාහනය කළ යාත්‍රා 53ක් ද නාවික හමුදා භාරයට ගත් බවයි කමාන්ඩර් චමින්ද වළාකුළුගේ සඳහන් කර සිටියේ.
එමෙන්ම මෙලෙස අත්අඩංගුවට ගැනුණු මත්ද්‍රව්‍යවල වටිනාකම බිලියන 55 කට අධික බවයි ඔහු වැඩිදුරටත් අදහස් දක්වමින් පැවසුවේ.
මේ අතර කොකේන් කිලෝ 256ක්, කන්සා කිලෝ 862ක්, අයිස් කිලෝ 590ක්, හෙරොයින් කිලෝ 1080ක්, හෂිෂ් කිලෝ 51ක් සහ මත්පෙති මිලියන 04ක් මෙම කාලසීමාව තුළ නාවික හමුදාව විසින් අත්අඩංගුවට ගෙන තිබෙනවා.
