මෙන්ඩිස් සමාගමේ සභාපති අර්ජුන් ඇලෝසියස් මහතාට එරෙහි නඩුව එළඹෙන ජූලි මස 23 වැනිදා කැඳවීමට අනුරාධපුර අධිකරණය නියෝග කර තිබෙනවා.
නොච්චියාගම පී. ඩී. ජී. ඇග්රි බිස්නස් සමාගමෙන් කැබලි කරන ලද බඩ ඉරිඟු කිලෝ විශාල ප්රමාණයක් ලබාගෙන ඊට අදාළ මුදල් නොගෙවා රුපියල් පන් කෝටි විසි නව ලක්ෂයක මුදලක් වංචා කර සාපරාධි විශ්වාසය කඩ කිරීමේ චෝදනාවකට අදාළව මෙන්ඩිස් සමාගමේ සභාපති අර්ජුන් ඇලෝසියස් මහතාට එරෙහිව අධිකරණය හමුවේ පවතින නඩුව කැඳවු අවස්ථාවේ අනුරාධපුර ප්රධාන මහෙස්ත්රාත් සහ අතිරේක දිසා විනිසුරු නාලක සංජීව ජයසූරිය මහතා මෙම නියෝගය නිකුත් කළා.
ඊට අදාළ විමර්ශනයන් හි ප්රගතිය දන්වන ලෙස මහෙස්ත්රාත්වරයා විසින් අපරාධ පරීක්ෂණ දෙපාර්තමේන්තුවටද නියෝගයක් ද නිකුත් කළ බවයි අප අධිකරණ වාර්තාකාරිණිය පැවසුවේ.
අදාළ නඩුව කැඳවීමට නියමිත ලබන ජූලි මස 23 දින සැකකාර අර්ජුන් ඇලෝසියස් මහතා යළි අනුරාධපුර ප්රධාන මහෙස්ත්රාත් අධිකරණය හමුවේ පෙනී සිටින ලෙසට ද නියෝග කළා.
