සංචාරක බංග්ලාදේශයට එරෙහිව පැවැත්වෙන පන්දුවාර 20 ක්රිකට් තරගාවලියේ පළමු තරගයේ ජය ඊයේ (10) රාත්රියේ දී ශ්රී ලංකාවට හිමි වුණා.
පල්ලෙකැලේ ක්රීඩාංගණයේ දී පැවැති මෙම තරගයේ කාසියේ වාසිය දිනූ ශ්රී ලංකා කණ්ඩායම පළමු ව පිතිකරණය තෝරාගත්තා.
ඒ අනුව පළමු ව පන්දුවට පහර දුන් බංග්ලාදේශ කණ්ඩායම පන්දුවාර 20 අවසානයේ කඩුලු 05ක් බිඳ වැටී ලකුණු 154ක් ලබා ගත්තා.
බංග්ලාදේශය වෙනුවෙන් පර්වේෂ් හුසේන් ලකුණු 38ක්, මොහොමඩ් නයීම් නොදැවී ලකුණු 32ක් ලබා ගැනීමට සමත් වුණා.
කඩුලු බිඳ දැමීමේ දී ජෙෆ්රි වැන්ඩර්සේ, දසුන් ශානක, නුවන් තුෂාර එක් කඩුල්ල බැගින් බිඳ හෙලූ අතර කඩුලු දෙකක් මහීෂ් තීක්ෂණ විසින් බිඳ හෙලනු ලැබුවා.
ජයග්රහණයට ලකුණු 155ක ඉලක්කයක් හඹා ගිය ශ්රී ලංකා කණ්ඩායම කඩුලු 03ක් පමණක් දැවී සිය ජය තහවුරු කළා.
එහිදී ආරම්භක පිතිකරු ලෙස ආ පැතුම් නිස්සංක හා කුසල් මෙන්ඩිස් පළමු කඩුල්ලට ලකුණු 78ක සබඳතාවක් ගොඩනැගුවා.
නිස්සංක පන්දු 16ක දී ලකුණු 42ක් රැස් කළ අතර ජයග්රහණයේ නියමුවා වූ කුසල් මෙන්ඩිස් ලකුණු 73ක් රැස් කළේ හයේ පහර තුනක් සහ හතරේ පහර 05ක් ද සමගින්.
කුසල් පෙරේරා ලකුණු 24යි.
කඩුලු බිඳ දැමීමේ දී මොහොමඩ් සයිෆුදීන්, රිෂාඩ් හුසේන් හා මෙහිඩි හසන් එක් කඩුල්ල බැගින් බිඳ දැමුවා.
තරගයේ වීරයා සම්මානය කුසල් මෙන්ඩිස් දිනා ගත්තා.
දෙරට අතර තවත් පන්දුවාර 20 තරග දෙකක් පැවැත්වීමට ඉතිරිව තිබෙන අතර දෙවැනි තරගය ජුලි 13 රාත්රී 07ට දඹුල්ලේ දී පැවැත්වීමට නියමිතයි.
