Empty Ad
AFC Banner
Empty Ad

මුම්බායි පිතිකරුවන් වන්කඩේ පිටියේදීම දණගැස්සූ මතීෂ චෙන්නායි පිළට සුපිරි ජයක් ගෙනඑයි

මතීෂ පතිරණගේ සුපිරි පන්දු යැවීම හමුවේ මෙවර අයි.පී.එල් තරගාවලියේ සිව්වන ජයග්‍රහණය වාර්තා කිරීමට චෙන්නායි සුපර් කිංග්ස් කණ්ඩායමට ඊයේ (14) රාත්‍රියේ හැකියාව ලැබුණා.

මුම්බායි නුවර වන්කඩේ ක්‍රීඩාංගනයේ දී පැවති මෙම තරගයෙන් මුම්බායි ඉන්දියන්ස් කණ්ඩායම පරදා චෙන්නායි ක්‍රීඩකයින් ජයගත්තේ ලකුණු 20කින්.

තරගයේ කාසියේ වාසිය දිනාගත් මුම්බායි නායක හර්දික් පාණ්ඩ්‍යා පළමුව පන්දුවට පහරදීමට චෙන්නායි ක්‍රීඩකයින්ට ආරාධනා කළේ තම පන්දු යවන්නන් පිළිබඳව විශ්වාසය තබමින්.

පාණ්ඩ්‍යා විසින් මෙම තරගයේ දී චෙන්නායි පිතිකරුවන් පාලන කිරීමට තමන් සමඟ තවත් පන්දු යවන්නන් හයදෙනෙකු යොදාගත් අතර එම පන්දු යවන්නට නිසි පිළිතුරක් සපයන්නට චෙන්නායි පිතිකරුවන් සමත් වුණා.

ඒ, අනුව චෙන්නායි සුපර් කිංග්ස් කණ්ඩායම නියමිත පන්දුවාර 20 තුළ කඩුලු 04ක් දැවී ලකුණු 206ක ලකුණු පුවරුවක් නිර්මාණය කළා.

එහිදී චෙන්නායි නායක රුතුරාජ් ගයික්වාඩ් ලකුණු 69ක් සහ ශිවම් ඩුබේ නොදැවී ලකුණු 66ක් රැස් කිරීමට සමත් වුණා.

චෙන්නායි ඉනිමේ අවසන් පන්දුවාර හතරේ දී පිටියට පිවිසි මහේන්ද්‍ර සිං දෝනි පන්දු 04ක් තුළ වේගවත් ලකුණු 20ක් රැස් කළේ පිට පිට එල්ල කළ දැවැන්ත හයේ පහරවල් තුනක් ද සමඟින්.

පන්දු යැවීමේ දී හර්දික් පාණ්ඩ්‍යා පන්දුවාර 03ක් යවා ලකුණු 43ක් ලබා දී කඩුලු 02ක් බිඳ දැමුවා.

ජස්ප්‍රිත් බුම්රා සිය පන්දුවාර 04 අවසන් කළේ ලකුණු 27ක් පමණක් ලබාදෙමින්.

අනතුරුව පිළිතුරු ඉනිම ආරම්භ කිරීමට මුම්බායි ආරම්භක පිත්කරුවන් යුගළය පිටියට පිවිසි අතර, ඔවුන් දෙදෙනා එක්ව සාර්ථක ආරම්භයක් ලබාදීමට සමත් වුණා.

චෙන්නායි කණ්ඩායමට හිසරදයක්ව තිබූ ඔවුන් දෙදෙනාගේ සම්බන්ධතාව මතීෂ පතිරණ යැවූ පළමු පන්දුවෙන්ම බිඳ දැමුවේ ලකුණු 23ක් ලබාගෙන සිටි ඉෂාන් කිෂාන් දවාගනිමින්.

ඔහුගේ දැවියාමෙන් පසු පිටියට පිවිසි සූර්යකුමාර් යාදව් ද ලකුණු ලබාගැනීමට පෙර දවා ගන්නට මතීෂට හැකියාව ලැබුණා.

මුම්බායි කණ්ඩායම ජයග්‍රහණය කරා රැගෙන යාමට තනිව සටනක නිරත වූ රෝහිත් ෂර්මා නොදැවී ලකුණු 105ක් රැස්කළ අතර, ඔහුගේ එම සුපිරි ඉනිම මුම්බායි ජයග්‍රහණය සඳහා ප්‍රමාණවත් වූයේ නැහැ.

ඒ, අනුව මුම්බායි කණ්ඩායමට නියමිත පන්දුවාර 20 තුළ කඩුලු 06ක් දැවී රැස්කරගත හැකි වූයේ ලකුණු 186ක් පමණයි.

පන්දු යැවීමේ දී මතීෂ පතිරණ පන්දුවාර 04 තුළ ලකුණු 28කට කඩුලු 04ක් බිඳ දැමූ අතර, තුෂාර් දේශපාන්ඩේ සහ මුස්තාෆිසුර් රහ්මාන් එක් කඩුල්ල බැගින් බිඳ දැමුවා.

ඒ, අනුව මෙම තරගය ලකුණු 20කින් ජය ගැනීමට චෙන්නායි සුපර් කිංග්ස් කණ්ඩායමට හැකියාව ලැබුණා.

ඔබේ ප්‍රතිචාරය කුමක්ද ?
+1
6
+1
1
+1
9
+1
2
+1
1
+1
2
+1
3
Subscribe
Notify of
0 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !
අපගේ නවතම වීඩියෝ පුවත්
Video thumbnail
KASTHIRAMA | ජාජබ පා.ම ධර්මප්‍රිය විජේසිංහ සහ සජබ ගම්පහ ආසන සංවිධායක වරුණ දීප්ත සහභාගීවන කස්තිරම
01:23:57
Video thumbnail
වෙඩි තැබීමේ දැන් ලැබුණු දර්ශන මෙන්න - එල්ලකළ උණ්ඩය වැදී අයෙක් රෝහලේ
03:47
Video thumbnail
මාලිමා මන්ත්‍රී හෙටට කල් දැමූ උත්තරය - ලිහලා තියෙන මල්ල ඔබලා බලන්න එපා
09:05
Video thumbnail
හෙට ඉන්දියාව එක්ක ගහන ගිවිසුම් මෙන්න - ඇයි මේවා රටට හංගන්නේ ආණ්ඩුව
08:34
Video thumbnail
ඉන්දීය අගමැති නරේන්ද්‍ර මෝදී මහ වැස්සේ ලංකාවට ගොඩ බැස්සේ මෙහෙමයි
01:51
Video thumbnail
ජනපතිගේ වීඩියෝවක් ලීක් කරපු මුජිබර් මාධ්‍ය හමුව දෙවනත් කරයි
19:03
Video thumbnail
🔴BREAKING NEWS
02:31
Video thumbnail
එක ඇහෙන් හොරු අල්ලපු රාජ්‍ය සේවකයාගේ කතාව
05:11
Video thumbnail
පෙරටුගාමීන් ආන්දෝලනාත්මක හෙළිදරව්වක් කරයි
34:55
Video thumbnail
අකාලයේ මිලින වූ ජීවිතයක් අවසානයත් මෙසේ විදු විය
05:19
<p>?</p>