මීගමුව බන්ධනාගාරයේ ඇති වූ ගැටුම්කාරී තත්ත්වය සමනය වී ඇති බව අධිකරණ අමාත්ය නිතීඥ හර්ෂණ නානායක්කාර පවසනවා.
අද (06) පස්වරුවේ මාධ්ය වෙත අදහස් දක්වමි අමාත්යවරයා සඳහන් කළේ බන්ධනාගාරය තුළ ඇති වූ ගැටුම සම්බන්ධයෙන් තමා දැඩි කම්පනයට සහ කණගාටුවට පත්ව ඇති බවයි.
සිද්ධියෙන් ජිවිත අහිමිවූ සියලුම දෙනාගේ පවුල්වල ඥාතීන්ට බලවත් ශෝකය සහ කණගාටුව පලකරන බවයි අධිකරණ අමාත්යවරයා සඳහන් කර සිටියේ.
ඉදිරියේ දී මෙවැනි දේ සිදුනොවීමට වගබලාගැනීමේ තැන රජය පසුවන බවයි ඔහු වැඩිදුරටත් පැවසුවේ.
මේ අතර මෙම සිද්ධියේ දී බන්ධනාගාර නිලධාරීන්ට වෙඩි වැදී ඇති බව ද අධිකරණ අමාත්ය මෙහිදී අනාවරණය කළා.
එමෙන්ම අධිකරණ අමාත්යවරයා ලෙස මීගමුව බන්ධනාගාරයේ ඇති වූ සිදුවීමේ වගකීම තමන් භාරගන්නා බව අධිකරණ අමාත්යවරයා මාධ්ය වෙත අදහස් දවමින් මෙහිදී වැඩිදුරටත් පවසා සිටියා.
