පාසල් ළමුන් සහ තරුණ ප්‍රජාව ඉලක්ක කරගනිමින් අලෙවි කිරීමට සුදානම් කළ රුපියල් කෝටි 06ක් වටිනාකමක් සහිත නීතිවිරෝධී මත්කරල් 599,000ක් ප්‍ර‍වාහනය කරමින් සිටි පුද්ගලයකු පොලිස් විශේෂ කාර්ය බලකා නිලධාරීන් අත්අඩංගුවට ගෙන තිබෙනවා.
මෙම සැකකරුව අත්අඩංගුවට ගෙන ඇත්තේ බොරැල්ලේ දී බවයි වාර්තා වන්නේ.
විශේෂ කාර්ය බලකාය විශේෂ මෙහෙයුම් අංශ 02හි නිලධාරීන් කණ්ඩායමක් විසින් ඊයේ (09) දින බොරැල්ල රේමන්ඩ් මල් ශාලාව අසල ඇති මාර්ග සංඥාව අසල දී අදාළ වැටලීම සිදු කර තිබෙනවා.
එහි දී රුපියල් කෝටි 06ක වෙළෙඳපොළ වටිනාකමක් සහිත Pregab (ප්‍රෙගැබ්) නමැති මත්කරල් 599,000 ක තොගයක් ලොරි රථයකින් ප්‍ර‍වාහනය කරමින් සිටි මන්නාරම ප්‍රදේශයේ පදිංචි වයස අවුරුදු 44 ක් වන පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා පොලිස් මත්ද්‍ර‍ව්‍ය කාර්යාංශය වෙත භාර දී තිබෙනවා.
අත්අඩංගුවට ගන්නා ලද සැකකරුගෙන් වැඩිදුර ප්‍ර‍ශ්න කිරීමේ දී හෙළි ව ඇත්තේ මන්නාරම ප්‍රදේශයේ පදිංචි සුජි නමැති පුද්ගලයා විසින් බෝට්ටුවකින් පැමිණ සිලාවතුර පාලම අසල දි මෙම මත්කරල් තොගය ලබාදුන් බවත්, එම තොගය කොළඹ ප්‍රදේශයට රැගෙන එන ලෙසට මොහුට උපදෙස් ලබා දී ඇති බවයි.
මෙම නීතිවිරෝධී මත්කරල් පාසල් ළමුන් සහ තරුණ ප්‍රජාව ඉලක්ක කරමින් අලෙවි කරන බවට ද හෙළි ව තිබෙනවා.
