වයස මාස 6ත් 9ත් අතර දරුවන් සඳහා අමතර සරම්ප මාත්රාවක් ලබාදීමේ ජාතික වැඩසටහන ලබන සෙනසුරාදා ආරම්භ කරන බව වසංගත රෝග විද්යා අංශයේ ප්රධානී විශේෂඥ වෛද්ය සමිත ගිනිගේ මහතා පවසනවා.
සරම්ප රෝගීන් වැඩි වශයෙන් වාර්තාවන දිස්ත්රික්ක 9ක් ආවරණය වන පරිදි මෙම වැඩසටහන ක්රියාත්මකයි.
කොවිඩ් ව්යාප්තියේ ප්රතිඵලයක් ලෙස පසුගිය 2021 හා 2022 වසර වලදී එන්නත්කරණයට නිසි පරිදි යොමු නොවීමේ ප්රතිඵලයක් ලෙස මේ වන විට මෙරටින් සරම්ප රෝගීන් වාර්තාවීම ඉහළ ගොස් ඇති බව සෞඛ්ය අංශ අනාවරණය කළා.
කෙසේ වෙතත් මෙම තත්ත්වය පිළිබඳ වසංගත රෝග විද්ය අංශය පූර්ව අනතුරු ඇඟවීම් නිකුත් කර තිබුණ ද සෞඛ්ය පරිපාලකයින් නිසි අවධානයක් යොමු නොකළ බවට වෛද්ය හා සිවිල් අයිතිවාසිකම් පිළිබඳව වෛද්යවරුන්ගේ වෘත්තීය සමිති සන්ධානයේ සභාපති වෛද්ය චමල් සංජීව මහතා චෝදනා කරනවා.
මීට වසර 4කට පමණ පෙර සරම්ප රෝගය මෙරටින් තුරන් කෙරුණා. කෙසේ වෙතත් ආගමික විශ්වාස සහ ඇදහිලි හේතුවෙන් ඇතැම් පාර්ශ්ව එන්නත්කරණ වැඩසටහනට යොමු වීමේ මැලිකමක් දක්වන බව සෞඛ්ය අංශ පෙන්වා දෙනවා.
