යාපනයේ මාධ්‍යවේදියෙකුගේ නිවසකට ප්‍රහාරයක් එල්ල වී තිබෙනවා.
මෙම සිදුවීම සිදු ව ඇත්තේ යාපනය – අච්චුවේලි පොලිස් වසමේ පිහිටි යාපනය දිස්ත්‍රික් මාධ්‍යවේදියෙකුගේ නිවසකටයි.
අද (13) අලුයම නාඳුනන පිරිසක් විසින් මෙම ප්‍රහාරය සිදු කරනු ලැබ ඇතැයි වාර්තා වන්නේ.
මෙම සිදුවීමෙන් මාධ්‍යවේදියාගේ නිවස, යතුරුපැදි ආදි දේපොළ රැසකට අලාභ හානි සිදු වුණා.
නිවසෙන් පිටත නවතා තිබූ ත්‍රීවිල් රථයකට, යතුරුපැදියකට මෙන් ම නිවසට ඇතුල් ව එහි තිබූ වටිනා භාණ්ඩවලට ද හානි සිදු කර තිබෙනවා.
කෙසේ නමුත් නිවසේ කිසිවෙකුට හානියක් සිදු කර නොමැති අතර, අපරාධකරුවන් පලා යාමට පෙර ‘සංක්‍රාන්තික ලිංගිකයින්ගේ හැඟීම් සාවද්‍ය ලෙස ප්‍රකාශ නොකරනු’ යනුවෙන් ද සටහන් කළ පෝස්ටරයක් නිවසෙහි ගේට්ටුවේ සවිකර ගොස් ඇති බවයි වාර්තා වන්නේ.
මෙය කිසියම් ආකාරයෙන් පෞද්ගලික කෝන්තරයක් මත සිදු වූවක් බට පොලිසිය සැක පළ කරන අතර, සිද්ධිය සම්බන්ධයෙන් සැකකරුවන් අත්අඩංගුවට ගැනීමට අච්චුවේලි පොලිස් විමර්ශන ක්‍රියාත්මකයි.
