ජාතික පිළිකා රෝහලේ (මහරගම අපේක්ෂා රෝහල) නේවාසික රෝගීන් සඳහා දිනපතා සංවිධානය කරන තැඹිලි දානමය වැඩසටහන් සීමා කිරීමට පියවර ගෙන තිබෙනවා.
මතුව ඇති සෞඛ්යාරක්ෂිත සහ ආරක්ෂක ගැටලු සැලකිල්ලට ගනිමින්, එම ක්රියාවලිය සීමා කිරීමට රෝහල් පාලනාධිකාරිය මෙලෙස පියවර ගෙන ඇති බවයි වාර්තා වන්නේ.
රෝහල් අධ්යක්ෂවරයාගේ නිරීක්ෂණ සහ විශේෂඥ වෛද්යවරුන්, දෙපාර්තමේන්තු ප්රධානීන් සහ රෝහල් කමිටුව සමඟ පුළුල් සාකච්ඡාවලින් පසුව මෙම තීරණය ගෙන තිබෙනවා.
පෙර පැවති මෙම වැඩසටහන්වල දී මුව ආවරණයක් හෝ කිසිදු ආරක්ෂිත ක්රමවේදයන් අනුගමනය නොකරමින් පිටස්තර පුද්ගලයින් වාට්ටු තුළට ඇතුළු වී ඇති බව ද එම රෝහල පවසනවා.
එමෙන්ම රෝගීන්ගේ පෞද්ගලිකත්වයට හානි වන ආකාරයෙන් ඡායාරූප හා වීඩියෝ ලබාගෙන සමාජ මාධ්ය ඔස්සේ ප්රචාරය කිරීම ද ගැටලුවක් වී ඇති බව ද ජාතික පිළිකා රෝහල පෙන්වා දෙනවා.
රෝහලට දිනකට අවශ්ය වන තැඹිලි ගෙඩි ප්රමාණය 100ක් 200ක් ලෙස ඇස්තමේන්තු කර ඇති අතර, පරිත්යාගශීලීන්ට එම ප්රමාණය පමණක් ආහාර ඇගයීම් නිලධාරී හරහා රෝහලේ ප්රධාන මුළුතැන්ගෙට ලබාදීමට අවසර ලබා දී ඇති බවයි එම රෝහල නිවේදනය කරන්නේ.
