මහනුවර මහ නගර සභා භූමියේ පවත්වාගෙන යනු ලබන ආපදා සහන සේවා මධ්යස්ථානයක් වෙත පැමිණි මහනුවර නගර සභාවේ විපක්ෂ මන්ත්රීවරු ඇතුළු දේශපාලන ක්රියාකරකයින් පිරිසක් විසින් එලෙස පවත්වාගෙන යනු ලබන ආපදා සහන සේවා මධ්යස්ථානය, නගර සභා භූමියෙන් ඉවත්කර ගන්නා ලෙස බල කරමින් ඊට විරෝධතාවය දක්වන වීඩියෝවක් පසුගිය දින කිහිපයේදී සමාජ මාධ්ය ඔස්සේ සංසරණය වුණා.
එම වීඩියෝවේ සඳහන් වන පරිදි විරෝධතාවය දැක්වූ විපක්ෂ මන්ත්රීවරුන් සඳහන් කර සිටියේ මෙම සහන සේවා මධ්යස්ථානය පවත්වාගෙන යනු ලබන්නේ නගර සභාවේ විපක්ෂ මන්ත්රීවරුන්ට අයත් කාමරයේ බවත්, එම කාමරය විපක්ෂයේ සාකච්ඡා සඳහා අවශ්ය කරන බැවින් එම කාමරය තවදුරටත් සහන සේවා සඳහා ලබා දිය නොහැකි බවයි.
කෙසේ වෙතත් මෙම විඩියෝව සම්බන්ධයෙන් විපක්ෂ නායක සජිත් ප්රේමදාස තම නිල ෆේස්බුක් පිටුව වෙත සටහනක් එක් කරමින් සඳහන් කර ඇත්තේ මෙලෙස පවත්වාගෙන ගිය සහන සේවා මධ්යස්ථානය වෙත විරෝධය දැක්වූ සහ බාධා කළ මහනුවර මහ නගර සභාවේ සභිකයන්ට එරෙහිව සමගි ජන බලවේගය විසින් විනය පියවර ගන්නා බවයි.
කෙසේ වෙතත් එම මහ නගර සභා සභිකයන්ගේ අයහපත් හැසිරීම් සහ අනවශ්ය ක්රියාවන් හේතුකොට සිත් රිදවීම් ඇතිවූවන් වෙතින් සමගි ජන බලවේගය වෙනුවෙන් අවංකව සමාව අයදින බවට විපක්ෂ නායකවරයා සිය ෆේස්බුක් සටහන මඟින් අවධාරණය කර තිබෙනවා.
