රත්නපුර ගොඩකවෙල මහජන සෞඛ්‍ය පරික්ෂකවරයෙකුගේ නිවස තුල මල් පොච්චි තුල වගාකර තිබු අඩි තුනක් පමණ උස ගංජා ගස් විසිපහක් ඊයේ (22) දින පස්වරුවේ දි අත්අඩංගුවට ගත් ගොඩකවෙල පොලිසිය පවසයි.
ගොඩකවෙල පොලිසියට ලද තොරතුරක් මත එම නිවස පරික්ෂාවට ලක් කල අවශ්ථාවේ නිවසේ ආලින්දයේ තබා තිබු බුදුන් වහන්සේ අසන්නයේ සහ නානා කාමර තුල ඇතුළු නිවසේ ස්ථාන කිපයක තිබි අඩි තුනක් පමණ උස ගංජා ගස් විසි පහක් පමණ සොයා ගත් බව පොලිසිය පවසයි. එම අවශ්ථාවේ මහජන සෞඛ්‍ය පරික්ෂකවරයා නිවසේ නොසිටි ඇති අතර ඔහුගේ බිරිදගේ පියා අත්අඩංගුවට ගෙන තිබෙනවා.
අද (23) දින ඇඹිලිපිටිය අධිකරණයට සැකකරු සහ ගංජා ගස් ඉදිරිපත් කිරිමෙන් පසු එහි මහේස්ත්‍රාත් තිළිණ මහේෂ් පිරිස් මහතා විසින් සැකකරු විසින් වරද පිළි ගැනිම මත රුපියල් හය දහසක (6000) දඩයක් නියම කර නිදහස් කර තිබේ.
