කෘෂිකාර්මික හා ධීවර සේවය සඳහා ශ්රී ලාංකික ශ්රමිකයන් විදේශගත කිරීමට ශ්රී ලංකාව හා දකුණු කොරියාව අතර සිදු වූ සේවක වැඩසටහනක් සම්බන්ධයෙන් සිදු කරන විමර්ශනවලට අදාළ ව තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදා හරින ලෙස ඉල්ලා හිටපු අමාත්ය මනුෂ නානායක්කාර මහතා විසින් ඉදිරිපත් කළ අපේක්ෂිත ඇප අයදුම්පත අද (22) කොළඹ මහේස්ත්රාත් අධිකරණය වෙතින් ඉල්ලා අස්කර ගත්තා.
ඒ එම ඇප පෙත්සම අද කොළඹ ප්රධාන මහේස්ත්රාත් තනූජා ලක්මාලි මහත්මිය ඉදිරියේ කැඳවූ අවස්ථාවේදීයි.
පෙත්සම කැඳ වූ අවස්ථාවේදී මනුෂ නානායක්කාර මහතා වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් තම සේවාදායකයා ඊයේ (21) දින අපරාධ පරීක්ෂණ දෙපාර්තමේන්තුව හමුවේ පෙනී සිට පැය 05කට අධික කාලයක් ප්රකාශ ලබාදුන් බව පැවසුවා.
එම ප්රකාශවලින් අනාවරණය වූ කරුණු මත ඔහු අත්අඩංගුවට ගැනීමේ අවශ්යතාවක් නොමැති බව අපරාධ පරීක්ෂණ දෙපාර්තමේන්තුව විසින් ප්රකාශ කර තිබෙන බැවින් සිය සේවාදයකයා හට මෙම පෙත්සම ඉදිරියට පවත්වාගෙන යාමට අවශ්ය නොවන බව නීතිඥවරයා අධිකරණයට දන්වා සිටියා.
එබැවින් පේත්සම ඉල්ලා අස්කර ගැනීමට අවසර දෙන ලෙස නීතිඥවරයා අධිකරණයෙන් ඉල්ලා සිටියා.
එම ඉල්ලීම පිළිගත් ප්රධාන මහේස්ත්රාත්වරිය පෙත්සම ඉල්ලා අස්කර ගැනීමට අවසර ලබා දුන්නා.
