මේ වන විට වැඩකටයුතු ආරම්භ කර ඇති මන්නාරම සුළං විදුලි බලාගාරය සඳහා අවශ්ය අවසාන ටර්බයින තොගය දිවයිනට රැගෙන විත් තිබෙනවා.
මෙම ටර්බයින තොගය රැගත් නෞකාව ත්රිකුණාමල වරාය වෙත ළඟා වී ඇති බවයි වාර්තා වුණේ.
50 MW ධාරිතාවයකින් යුක්ත මෙම සුළං විදුලි බලාගාරයට අවශ්ය පළමු ටර්බයින තොගය මීට සති කිහිපයකට පෙර මෙරටට ගෙන ආ අතර එම ටර්බයින මේ වන විට අදාළ ස්ථානයේ ස්ථාපනය කරමින් පවතිනවා.
2027 මාර්තු මාසය වන විට මෙම ව්යාපෘතිය අවසන් කර 50 MW ධාරිතාවකින් යුත් විදුලියක් ජාතික පද්ධතියට එක් කිරීමට නියමිතයි.
බලාගාරය සක්රීය වීමෙන් පසු පොසිල ඉන්ධන ආනයනය සීමා වන නිසා වසරකට රුපියල් බිලියන 4.7ක පමණ විදේශ විනිමයක් රටට ඉතිරි කර ගැනීමට මෙම ව්යාපෘතිය හරහා අවස්ථාව උදා වනවා.
2030 වන විට මෙරට ජාතික විදුලිබල පද්ධතියෙන් 70%ක් පුනර්ජනනීය බලශක්ති ප්රභවයන්ගෙන් නිෂ්පාදනය කිරීමේ ජාතික බලශක්ති ඉලක්කයට ළඟා වීමට මෙම බලාගාරය උපකාරී වනු ඇති.
