පසුගියදා (16) මන්නාරම මහේස්ත්‍රාත් අධිකරණය ඉදිරිපිට නාඳුනන තුවක්කුකරුවන් විසින් එල්ල කරන ලද වෙඩි ප්‍රහාරයෙන් මරුමුවට පත් වූ පුද්ගලයින් දෙදෙනාගේ ඝාතනයට සම්බන්ධ සැකකරුවෙකු මන්නාරම කොට්‍ඨාස අපරාධ විමර්ශන කාර්‍යාංශය මගින් අත් අඩංගුවට ගෙන තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනය කළේ; පෙරේදා (28) දිනයේ දී මෙම සැකකරු ව මන්නාරම නගරයේ දී අත් අඩංගුවට ගත් බවයි.
මහේස්ත්‍රාත් අධිකරණය ආසන්නයේ දී, යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් සිදු කළ වෙඩි තැබීමකින් කාන්තාවක් හා පුද්ගලයෙකු මියගොස් තවත් පුද්ගලයින් දෙදෙනෙකු තුවාල ලබුවා.
අත්අඩංගුවට ගත් සැකකරු වයස අවුරුදු 24 ක් වන පේසාලේ ප්‍රදේශයේ පදිංචිකරුවෙක්.
මන්නාරම පොලිසිය වැඩිදුර විමර්ශන සිදු කරනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
