මත්ද්රව්ය චෝදනාවට අත්අඩංගුවට ගත් පන්නල ප්රාදේශීය සභාවේ සමගි ජන බලවේගය හිටපු මන්ත්රීවරයාගේ පක්ෂ සාමාජිකත්වය වහාම ක්රියාත්මක වන පරිදි අත්හිටුවා තිබෙනවා.
සමගි ජන බලවේයේ නායක විපක්ෂ නායක සජිත් ප්රේමදාස මේ බව සිය නිල එක්ස් ගිණුමේ සටහනක් තබමින් දැනුම් දෙනවා.
මෙම සිද්ධිය සම්බන්ධයෙන් තවදුරටත් අදාළ ක්රියාමාර්ග ගැනීම සඳහා වෙනම පරීක්ෂණයක් ආරම්භ කර ති බවත් අදාළ එක්ස් පණිවුඩයේ සඳහන්.
ඊයේ (20) මෙරට දකුණු මුහුදු තීරයේ මත්ද්රව්ය සමඟ ධීවර යාත්රාවක් නාවික හමුදා භාරයට ගැනුණු අතර, මෙම සිද්ධියට අදාළව පන්නල ප්රාදේශීය සභාවේ සමගි ජන බලවේගය හිටපු මන්ත්රීවරයෙකු පොලිස් මත්ද්රව්ය නාශක කාර්යාංශය විසින් අත්අඩංගුවට ගැනුණා.
අදාළ යාත්රවේ තිබී මලු 05ක පැකට් 100ක අසුරා තිබූ හෙරොයින් කිලෝග්රෑම් 115කට වැඩි ප්රමාණයක් සහ මලු 13ක පැකට් 200ක අසුරා තිබූ අයිස් මත්ද්රව්ය කිලෝ 261කට අධික ප්රමාණයක් සොයාගෙන තිබෙනවා.
එමෙන්ම මෙම මත්ද්රව්ය තොගය සමඟ තිබී රිවෝල් වරයක් සහ පිස්තෝලයක් හා මැගසින් දෙකක් ද නාවික හමුදා භාරයට ගත් බවයි වාර්තා වුණේ.
මේ අතර නාවික හමුදාව විසින් අදාළ බහුදින ධීවර යාත්රාව සහ එහි සිටි ධීවරයින් හයදෙනා ඊයේ (20) පස්වරුවේ තංගල්ල ධීවර වරාය වෙත රැගෙන එනු ලැබුවා.
