ඉන්දිය ප්රිමියර් ලීග් ක්රිකට් තරඟාවලියේ ඊයේ පැවති තරඟයක් අතරතුරදී ශ්රී ලංකා ක්රීඩක භානුක රාජපක්ෂ ආබාධයකට ලක්ව තිබෙනවා.
ඔහු මෙලෙස ආබාධයකට ලක්වුණේ කින්ග්ස් ලෙවන් පංජාබ් සහ රාජස්ථාන් රෝයල්ස් යන කණ්ඩායම් අතර පැවති තරඟය අතරතුරදීයි.
පංජාබ් කණ්ඩායමේ අංක 03 පිතිකරු ලෙස පිටියට පිවිසි භානුක රාජපක්ෂට මුහුණදීමට හැකිවූයේ එක් පන්දුවකට පමණක් වූ අතර අනෙක් අන්තයේ පන්දුවට පහර දෙමින් සිටි ශිකර් ධවාන් එල්ල කළ පහරක් භානුකගේ අතේ වැදී තිබුණා.
රවිචන්ද්රන් අශ්වින්ගේ පන්දුවකට නායක ශිකර් ධවාන් එල්ල කළ පහර රාජපක්ෂගේ වැලමිට ප්රදේශයේ වැදී ඇති බවයි වාර්තා වන්නේ.
දීර්ඝ පරීක්ෂාවකින් පසුව, ඔහුට දිගටම පන්දුවට පහර දිය නොහැකි බව තීරණය වූ අතර, කඩුලු රකින පිතිකරු ජිතේෂ් ෂර්මා පන්දුවට පහර දීමට පිටියට පැමිණියා.
ඒ අනුව ක්රීඩා පිටියෙන් ඉවත්වූ භානුක රාජපක්ෂ යළි පන්දුවට පහරදීමට පැමිණියේ නැහැ.
ඔහුගේ ආබාධ තත්ත්වය සම්බන්ධයෙන් මෙතෙක් නිල වාර්තාවක් නිකුත්වී නොමැති බවයි ක්රීඩා මාධ්ය වාර්තා කළේ.
මේ අතර මෙම තරඟයෙන් රාජස්ථාන් රෝයල්ස් කණ්ඩායම ලකුණු 05 කින් පරාජය කරමින් තියුණු ජයක් අත්කර ගැනීමට පංජාබ් කින්ග්ස් කණ්ඩායම සමත් වුණා.
