බ්‍රිතාන්‍ය රංගන ශිල්පිනී ඩේම් මැගී ස්මිත් අභාවප්‍රාප්ත වී තිබෙනවා.
අභාවප්‍රාප්ත වන විට ඇය 89 හැවිරිදි වියේ පසු වූ බවයි විදෙස් මාධ්‍ය වාර්තා කළේ.
බ්‍රිතාන්‍ය වේදිකාවේ සහ රිදී තිරයේ පුරාවෘත්තයක් වූ ඇය සිය වෘත්තීය ජීවිතය තුළ ඔස්කාර් සම්මාන දෙකක් දිනාගෙන තිබෙනවා.
හැරී පොටර් චිත්‍රපට මාලාවෙන් සහ ඩවුන්ටන් ඇබේ රූපවාහිනී කතා මාලාවෙන් ඇය ලොවපුරා රසිකයින් අතර මහත් ජනාධාරයට පත් වූ රංගන ශිල්පිනියක්.
හැරී පොටර් චිත්‍රපට මාලාවේ මහාචාර්ය මිනර්වා මැක්ගොනගල්ගේ චරිතයට පණ පොවමින් ලොකු කුඩා රසික රසිකාවන් අතර මතකයේ රැඳුනු චරිතයක් බවට ඇය පත්ව සිටියා.
ඩේම් මැගී ස්මිත් රෝහල් ගතව ප්‍රතිකාර ලබමින් සිටිය දී අද (27) උදෑසන සාමකාමීව මෙලොවින් සමුගත් බවයි ඇයගේ පවුලේ සමීපතමයන් පැවසුවේ.
ඔබේ ප්‍රතිචාරය කුමක්ද ?
+1
+1
+1
+1
+1
6
+1
+1
