මසට බල්ලන් මැරීම හා බලු මස් විකිණීම තහනම් කිරීමට නව නීති දකුණු කොරියානු පාර්ලිමේන්තුව විසින් සම්මත කර ඇත.මෙම නව නීති 2027 වර්ෂය වන විට ක්රියාත්මක කර, ශතවර්ෂ ගණනක් පුරාවට කොරියාවේ පැවති සුනඛ මාංශ අනුභවය අවසන් කිරීමට නියමිතය.
මේ අනුව, මසට බල්ලන් මරන පුද්ගලයන් හට වසර 3ක් දක්වා සිරදඬුවමක් හා මසට බල්ලන් ඇති කරන හෝ බලු මස් විකුණන පුද්ගලයන්ට වසර 2ක උපරිම සිරදඬුවමකද ලැබෙනු ඇත.කෙසේවෙතත්, බලු මස් අනුභව කිරීම නව නීති මගින් තහනම් නොවන බව විදෙස් වාර්තා සඳහන් කරයි.
සමහර වැඩිහිටි දකුණු කොරියානුවන් අතර “බොෂින්ටැං” නමින් හඳුන්වන සුනඛ මස් ඉස්ටුවක් ප්රණීත ආහාරයක් ලෙස සලකනු ලැබේ.
කෙසේවෙතත්, පසුගිය කාලය පුරාවට කොරියාවේ බලු මස් අනුභව කිරීම අඩුවී ඇති අතර, සුරතල් සතුන් ඇති කරන ලාබාල පරම්පරා අතර මෙය ජනප්රිය නොවන බවද ඒජන්සි වාර්තා වල දැක්වේ.
ඔබේ ප්රතිචාරය කුමක්ද ?
+1
1
+1
1
+1
+1
2
+1
1
+1
+1
