ඉන්දීය ආර්ථිකයේ මූලිකාංග ශක්තිමත් බවත්, ඉරානයට එරෙහි එක්සත් ජනපද-ඊශ්රායල යුද්ධය නිසා ඇති වූ වෙළඳ සහ බලශක්ති බාධාවන්ට ඔරොත්තු දීම සඳහා රට තුළ ඛනිජ තෙල්, පොහොර සහ ගල් අඟුරු ප්රමාණවත් ලෙස ලබා ගත හැකි බවත් අගමැති නරේන්ද්ර මෝදි පවසනවා.
පසුගිය මාසයේ ආරම්භ වූ ගැටුම, ඉන්දියාවේ බොරතෙල් ආනයනයෙන් 40% ක් සිදු කෙරෙන හෝමූස් සමුද්ර සන්ධිය වසා දැමීම ඇතුළුව ගුවන් ගමන්වල සිට නැව්ගත කිරීම සහ ගෑස් සැපයුම් ඇතුලු අංශ රැසක් කඩාකප්පල් කර තිබෙනවා.
ඉන්දියාව සතුව ප්රමාණවත් ඛනිජ තෙල් ලබා ගත හැකි අතර, උපායමාර්ගික සංචිත දැනට මෙට්රික් ටොන් මිලියන 5.3 ඉක්මවන අතර, තවත් මෙට්රික් ටොන් මිලියන 6.5 ක සංචිත නිර්මාණය කිරීමට කටයුතු කරමින් සිටින බව මෝදි ඊයේ (23) දිනයේ දී පාර්ලිමේන්තුවේ පහළ මන්ත්රී මණ්ඩලයට පවසා සිටියා.
ජුනි – ජූලි මාසවල ආරම්භ වන කෘෂිකාර්මික කටයුතු සඳහා පොහොර සැපයීම සඳහා ප්රමාණවත් විධිවිධාන සකස් කර ඇති අතර, උෂ්ණත්වය ඉහළ යන විට විදුලි ඉල්ලුම සපුරාලීම සඳහා ගල් අඟුරු සැපයීමට ද කටයුතු කර ඇති බව ඔහු වැඩිදුරටත් සඳහන් කළා.
