බීමත් ව රිය පදවා අනතුරක් සිදු කිරීමේ චෝදනාවට පසුගියදා අත්අඩංගුවට ගැනුණු හිටපු රාජ්ය අමාත්ය ලොහාන් රත්වත්තේ මහතාව ඇප මත නිදහස් කර තිබෙනවා.
අද (09) දහවල් හිටපු අමාත්යවරයා ව අදාළ නඩුව සඳහා අධිකරණයට ඉදිරිපත් කළ අවස්ථාවේ දීයි කොළඹ – කොටුව මහේස්ත්රාත් අධිකරණය විසින් මෙම නියෝගය නිකුත් කරනු ලැබුවේ.
රුපියල් ලක්ෂ 10 බැගින් වූ ශරීර ඇප දෙකක් මත හිටපු අමාත්ය ලොහාන් රත්වත්තේ මහතා ව නිදහස් කරන ලෙස කොළඹ කොටුව මහේස්ත්රාත් තනූජා ලක්මාලි මහත්මිය නියෝග කළා.
බන්ධනාගාර නිලධාරීන් විසින් හිටපු රාජ්ය අමාත්යවරයා ව අධිකරණයට ගෙන ආ අතර එහිදී අගතියට පත් පාර්ශ්වය සහ විත්තිකාර පාර්ශ්වය අතර වූ එකඟතාවක් මත අධිකරණය ඇප නියම කළ බවයි අධිකරණ වාර්තාකරු පැවසුවේ.
බීමතින් ජීප් රථයක් පදවා කොල්ලුපිටිය හන්දියේ දී මෝටර් රථයක හප්පා අනතුරක් සිදු කිරීමේ සිද්ධියක් සම්බන්ධයෙන් හිටපු රාජ්ය අමාත්ය ලොහාන් රත්වත්තේ මහතා ව දෙසැම්බර් 07 වැනිදා අත් අඩංගුවට ගැනුණු අතර අද (09) දක්වා රක්ෂිත බන්ධනාගාරගත කෙරුණා.
ලොහාන් රත්වත්තේ මහතා ඥාතී නිවසකට ගොස් නැවත කොටුව බලා ජීප් රථයෙන් ගමන් කිරීමේ දීයි මෙම අනතුර සිදුව ඇත්තේ.
කොල්ලුපිටිය පොලිසියට ලද පැමිණිල්ලක් මත පොලිස් නිලධාරින් කණ්ඩායමක් එම ස්ථානයට ගොස් සිදුකළ විමර්ශනවල දී හෙළි ව ඇත්තේ ලොහාන් රත්වත්තේ මහතා බීමතින් සිට ඇති බවයි.
එහිදී ඔහු ව අත්අඩංගුවට ගෙන ජීප් රථය ද පොලිසියට රැගෙන ආවා.
