සංචාරක නෙදර්ලන්තය සහ බංගලාදේශය අතර දෙවන ටී ටුවෙන්ටි තරගයෙන් පහසු ජයග්රහණයක් අත් කරගැනීමට බංගලාදේශය සමත් වුණා.
තරගයේ කාසිය වාසිය දිනා ගත් බංගලාදේශ නායක ලිටන් දාස් විසින් තණතිල්ලේ වාසිය ලබා ගැනීමේ අරමුණෙන් ප්රථමයෙන් පන්දුවට පහර දීම සඳහා නෙදර්ලන්තයට අවස්ථාව ලබා දුන්නා.
නායකයාගේ තීරණයට උපරිම සාධාරණයක් ඉටු කරමින් බංගලාදේශ පන්දු යවන්නන් විසින් පන්දුවාර 17යි පන්දු 03ක් තුළ නෙදර්ලන්තයේ සියලුම පිතිකරුවන් ලකුණු 117ක් තුළ දවා ගැනීමට සමත් වුණා.
නසුම් අහමඩ් විසින් ලකුණු 21කට කඩුලු 03ක් දවා ගැනීමට සමත් වූ අතර ටස්කින් අහමඩ් විසින් ලකුණු 22කට කඩුලු 02ක් දවා ගත්තා.
පන්දු යවන්නන් විසින් අත්කර දුන් වාසියේ උපරිම ඵල නෙලාගත් බංගලාදේශ පිතිකරුවන් පන්දුවාර 13කුත් එක් පන්දුවක් පමණක් වැය කරමින් අදාළ ඉලක්කය සපුරා ගනු ලැබුවා.
ටැන්සිඩ් හසන් විසින් පන්දු 39ක් තුළ අර්ධ ශතකයක්ද රැස් කළා.
