මෙවර ජනාධිපතිවරණයට ශ්‍රී ලංකා පොදු ජන පෙරමුණ හෙවත් පොහොට්ටුවෙන් එන ජනපති අපේක්ෂකයා කවුරුන් දැයි මේ වනවිට දේශපාලන – සමාජ සන්දර්භය තුළ විශාල කතාබහක් මතු කර තිබෙනවා.
එවන් පසුබිමක දී ශ්‍රී ලංකා පොදු ජන පෙරමුණේ මහ ලේකම් සාග29ර කාරියවසම් පැවසුවේ අදාළ අපේක්ෂකයා කවුරුන් දැයි එළඹෙන දේශපාලන මණ්ඩල රැස්වීමේ දී තීරණය කෙරෙනු ඇති බවයි.
අදාළ දේශපාලන මණ්ඩල රැස්වීම ජුලි මස 29 වැනි සඳුදා පැවැත්වීමට නියමිත ව තිබෙනවා.
මේ අතර වත්මන් ජනාධිපති රනිල් වික්‍රමසිංහ මෙවර ජනාධිපතිවරණයට ස්වාධීන අපේක්ෂකයෙකු ලෙස ඉදිරිපත් වීමට තීරණය කර ඇති අතර ඊට අදාළ ඇප මුදල් තැන්පත් කිරීම ද මේ වනවිට සිදු කර අවසන්.
මෙම ජනපතිවරණයට සරත් කීර්තිරත්න ද තරග කරන්නේ ස්වාධීන අපේක්ෂකයෙකු ලෙසයි.
ඔහු ද අද පෙරවරුවේ සිය ඇප මුදල් තැන්පත් කිරීම සිදු කළා.
මීට අමතර ව ෆීල්ඩ් මාර්ෂල් සරත් ෆොන්සේකා, ආචාර්‍ය විජේදාස රාජපක්ෂ යන අය ද මෙවර ජනපතිවරණ සටනට එක් වනු ඇති.
