එළඹෙන පොසොන් උත්සවය වෙනුවෙන් විශේෂ ආරක්ෂක වැඩපිළිවෙලක් ක්රියාත්මක බව ශ්රී ලංකා පොලිසිය දැනුම් දෙනවා.
ඒ, අනුව සියළුම පොලිස් බල ප්රදේශ සඳහා විධිමත් ආරක්ෂක හා රථවාහන සැලැස්මක් ක්රියාත්මක කිරීමට පොලිස්පතිවරයා විසින් සියළුම ස්ථානාධිපතිවරුන් ඇතුළු සියළුම ජ්යෙෂ්ඨ නිලධාරීන් වෙත උපදෙස් ලබා දී තිබෙනවා.
සෑම පොලිස් වසමක් තුළම දිවා/රාත්රී වශයෙන් ජංගම සංචාර, පාමුර / පාපැදි, බීට්ටු සංචාර හා යතුරුපැදි සංචාර ක්රියාත්මක කර, ප්රදේශය තුළ මනා සංචාරක ක්රම වේදයක් ක්රියාත්මක වන අතර අධික රථවාහන ගහනයක් ඇති වීමට ඉඩ ඇති ස්ථාන ආවරණය වන පරිදි රථවාහන නිලධාරීන් යොදවනු ලබන බවයි දැනුම් දෙන්නේ.
එමෙන්ම මෙම කාලසීමාව තුල බුද්ධි නිලධාරීන් යොදවා නීති විරෝධි ක්රියා මත්ද්රව්ය පිළිබඳව තොරතුරු ලබා ගැනීමට කටයුතු කෙරෙන අතර, මහා මාර්ගයේ ධාවනය වන රථ වාහන රිය අනතුරු වලට තුඩු දෙන බීමත්ව රිය පැදවීම, අධික වේගයෙන් රිය පැදවීම හා අපරීක්ෂාකාරී හා අන්තරාදායක ලෙස රිය පැදවීම සම්බන්ධයෙන් වැඩි අවධානයක් යොමු කරන අතර එවැනි රියදුරන්ට එරෙහිව නෛතිය ගැනීමට ක්රියා කරනු ඇති.
මෙම කාලසීමාව තුල පූජනීයත්වයට හානිදායක වන ලෙසට හා ආගමික අවස්ථාවන්ට සහභාගී වන බැතිමතුන්ට පීඩාකාරි වන ලෙස කටයුතු කරන ඇතැම් පුද්ගලයින් හා කණ්ඩායම් සම්බන්ධයෙන් පොලිසිය නිරන්තර අවධානයෙන් සිට ඔවුනට එරෙහිව නීතිමය ක්රියාමාර්ග ගැනීමට කටයුතු කරනු ලබන බවයි පොලිසිය දැනුම් දෙන්නේ.
ඒ අනුව පොසොන් උත්සව කාල සීමාව තුළ සාමයට බාධා නොවන ලෙස, ආගමික කටයුතු පවත්වාගෙන යාම සඳහා විශේෂයෙන් පහත කරුණු සම්බන්ධයෙන් අවධානය යොමු කරන ලෙස පොලිසිය මහජනතාවගෙන් ඉල්ලා සිටිනවා.
