මහජන ආරක්ෂක අමාත්ය ආනන්ද විජේපාලගේ ලේකම්වරයා ලෙස ව්යාජව පෙනී සිටිමින් මහරගම පොලිස් ස්ථානය වෙත දුරකථන ඇමතුමක් ලබාදුන් අයෙක් මහරගම පොලිසිය විසින් පෙරේදා (08) අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මාලඹේ ප්රදේශයේ පදිංචි වයස අවුරුදු 29ක පුද්ගලයෙක් බවයි වාර්තා වුණේ.
හොරොයින් සන්තකයේ තබාගැනීම සම්බන්ධයෙන් මහරගම පොලිසිය විසින් අත්අඩංගුවට ගැනුණු පුද්ගලයෙක් නිදහස් කරගැනීම සඳහා සැකකරු විසින් මෙලෙස පොලිසියට දුරකථන ඇමතුමක් ලබා දී ඇති බවයි පොලිසිය සඳහන් කළේ.
මත්ද්රව්ය සන්තකයේ තබා ගැනීම සම්බන්ධයෙන් අත්අඩංගුවට ගෙන ඇත්තේ සැකකරුගේ ඥාතියෙක් වන අතර, ඔහුව නිදහස් කර ගැනීමට මෙලෙස ආනන්ද විජේපාල අමාත්යවරයාගේ ලේකම් බව පවසමින් සැකකරු පොලිසියට දුරකථන ඇමතුම ලබා දී තිබෙනවා.
අත්අඩංගුවට ගැනුණු සැකකරු එදිනම (08) අධිකරණය වෙත ඉදිරිපත් කර ඇති අතර, ඔහුව ඇපමත නිදහස් කිරීමට අධිකරණය නියෝග කළ බවයි පොලිසිය පැවසුවේ.
මේ අතර නිවේදනයක් නිකුත් කරමින් මහජන ආරක්ෂක අමාත්යාංශය පැවසුවේ, අමාත්යවරයා හෝ අමාත්යවරයාගේ කාර්යමණ්ඩලයේ හෝ කිසිදු අයෙක් පොලිසිය විසින් සිදුකරනු ලබන අත්අඩංගුවට ගැනීම් හෝ කිසිදු ක්රියාමාර්ගයක් සම්බන්ධයෙන් අයුතු බලපෑමක් හෝ අයුතු මැදිහත් වීමක් සිදුනොකරන බවයි.
ඒ, අනුව මහජන ආරක්ෂක හා පාර්ලිමේන්තු කටයුතු අමාත්යවරයාගේ නමින් හෝ අමාත්යවරයාගේ කාර්ය මණ්ඩලයේ බව පවසමින් යම් අයෙකු අනීතික කටයුතුවල යෙදෙන්නේ නම් හෝ පොලිසිය ඇතුළු ආයතනවලට අයුතු බලපෑමක් සිදුකරන්නේ නම් එම පුද්ගලයින් සම්බන්ධයෙන් අමාත්යාංශය දැනුවත් කරන ලෙසට දැනුම් දෙනවා.
wpDiscuz
