අම්බලන්ගොඩ පොලිස් භාරයේ සිට බලපිටිය රෝහලේ ප්රතිකාර ලබමින් සිටි සැකකරුවෙක් රෝහල් වැසිකිළියක් තුළ ගෙළ වැළලාගෙන මියගොස් තිබෙනවා.
අදාළ සැකකරු ඊයේ (17) රාත්රියේ මෙලෙස සියදිවි හානිකර ගෙන ඇති බවයි තොරතුරු වාර්තා වුණේ.
මෙලෙස සියදිවි හානිකරගෙන ඇත්තේ, වතුගෙදර, සීනිගොඩ ප්රදේශයේ පදිංචිව සිටි 55 හැවිරිදි අයෙක්.
තියුණු ආයුධයකින් පුද්ගලයකුට පහර දුන් බව කියන චෝදනාවකට මෙම පුද්ගලයා ඊයේ (17) නීතීඥවරයෙකු මාර්ගයෙන් අම්බලන්ගොඩ පොලීසියට භාරවී තිබෙනවා.
එහිදී ඔහුගෙන් ප්රශ්න කිරීම සඳහා පොලිසිය විසින් අත්අඩංගුවට ගෙන ඇති අතර අතර, අත්අඩංගුවේ සිටිය දී ඔහුට ඇති වූ
රෝගාබාධයක් හේතුවෙන් පොලිස් නිලධාරීන් දෙදෙනෙකු සමඟ බලපිටිය රෝහලට ප්රතිකාර සඳහා යොමුකර තිබෙනවා.
එලෙස රෝහල් ගතව ප්රතිකාර ලබමින් සිටි සැකකරු වැසිකිළි යෑමට අවශ්ය බව පවසා ආරක්ෂාවට සිටි පොලිස් නිලධාරීන්ගේ ආරක්ෂාව යටතේ වැසිකිළියට ගොස් සිටිය දී ඇද සිටි සරමෙන් ගෙළ වැළලාගෙන සියදිවි නසාගෙන ඇති බවයි වාර්තා වුණේ.
අම්බලන්ගොඩ පොලීසිය මේ සම්බන්ධයෙන් වැඩිදුර විමර්ශන සිදුකරනු ලබනවා.
