මින් ඉදිරියට පොල් ගස් කැපීම සඳහා ප්‍රාදේශීය ලේකම්වරයාගේ සහ පොල් වගා කිරීමේ මණ්ඩලයේ අවසරය අනිවාර්යෙන් ලබාගත යුතු බවට තීරණයක් ගෙන ඇති බව පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි පවසනවා.
රටේ පවතින අධික පොල් හිඟයට පිළියමක් ලෙස මෙම තීරණය ගත් බවයි සභාපතිවරයා සඳහන් කළේ.
එමෙන්ම අක්කරයකට වැඩි යම් ඉඩමක් වෙනත් ව්‍යාපෘතියක් සඳහා ලබාගන්නේ නම් එම ඉඩම පොල් සංවර්ධන මණ්ඩලය, ප්‍රාදේශීය ලේකම් කාර්යාලයේ හෝ රජයේ ඒ සම්බන්ධ ආයතනයක අධ්‍යයනයකින් අනතුරුව අවසර ලබාගත යුතු බව ද සභාපතිවරයා සඳහන් කරනවා.
රටේ පවතින ඉල්ලුමට සරිලන පොල් නිෂ්පාදනයක් රට තුළ නිෂ්පාදනය නොවෙන බැවින් මින් ඉදිරියට වාර්ෂිකව පොල් ගස් මිලියන 02 බැගින් රට තුළ වගා කිරීමට ද අවධානය යොමු වී ඇතැයි ඔහු වැඩිදුරටත් පවසා සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
