රිකී පොන්ටින් අභිබවා යමින් ජාත්යන්තර ටෙස්ට් ක්රිකට් පිටියේ වැඩිම ලකුණු ලාභීන් අතර දෙවන තැනට පැමිණීමට එංගලන්ත ක්රීඩක ජෝ රූට්ට හැකියාව ලැබුණා.
ඉන්දියාවට එරෙහිව ඕල්ඩ් ට්රැෆර්ඩ්හි දී පැවැත්වෙන සිව්වන ටෙස්ට් තරගයේ දී ජෝ රූට් මෙම වාර්තාව පිහිටුවීමට සමත් වුණා.
ඒ, අනුව ජෝ රූට් මේ වනවිට ජාත්යන්තර ටෙස්ට් තරග 157 කට ක්රීඩා කරමින් ලකුණු 13409ක් රැස් කරගෙන සිටිනවා.
ඕස්ට්රේලියානු හිටපු නායක රිකී පොන්ටින් ටෙස්ට් පිටියේ ලකුණු 13,378ක් රැස්කර ගනිමින් මෙතෙක් වැඩිම ටෙස්ට් ලකුණු රැස්කළ ක්රීඩකයින්ගේ ලැයිස්තුවේ දෙවන තැන පසුවුණා.
කෙසේ වෙතත් ජෝ රූට් එම ලැයිස්තුවේ දෙවන තැනට පැමිණීමත් සමඟ රිකී පොන්ටින්ගේ නම මේ වනවිට එහි තුන්වන ස්ථානයේ දක්වා එක ස්ථානයක් පහළට ගියා
ජාත්යන්තර ටෙස්ට් ක්රිකට් පිටියේ වැඩිම ලකුණු ලාභීන් අතර පළමු තැන ඉන්දීය හිටපු ක්රීඩක සචින් තෙන්ඩුල්කාර් පසුවනවා.
සචින් ජගත් ටෙස්ට් පිටියේ රැස්කරගෙන ඇති ලකුණු සංඛ්යාව 15921ක්.
මේ අතර සචින් තෙන්ඩුල්කාර් පසුකර යමින් ජගත් ටෙස්ට් පිටියේ වැඩිම ලකුණු ලාභියා බවට පත්වීමට මේ වනවිට 34 වන වියේ පසුවන ජෝ රූට්ට තවත් ලකුණු 2,513ක් රැස්කරගත යුතු වනවා.
