ඉන්දියාවේ උත්තර් ප්රදේශ් හි ග්රේටර් නොයිඩා ප්රදේශයේ දී මිතුරන් දෙදෙනෙකු අතර ඇති වූ ආරවුලක් දුරදිය යෑමෙන් එක් පුද්ගලයක් පිහියකින් ඇන මිතුරාව ඝාතනය කර තිබෙනවා.
පසුගිය බ්රහස්පතින්දා රාත්රියේ සිදුව ඇති මෙම සිද්ධියේදී තුවාල ඝාතනය සිදුකළ බව කියන පුද්ගලයා ද බරපතළ තුවාල ලබා ඇති බවයි වාර්තා වන්නේ.
ග්රේටර් නොයිඩා හි සර්සා සර්කල් අසල සේවා මාර්ගයේ තරුණයින් දෙදෙනෙක් අතර ඇති වූ ගැටුමක් සම්බන්ධයෙන් හදිසි ඇමතුම් අංකය ඔස්සේ නොයිඩා පොලිසිය වෙත තොරතුරක් ලැබී තිබෙනවා.
පොලිසිය එම ස්ථානයට පැමිණි විටත්, ඔවුන් දෙදෙනාම තුවාල ලබා සිට ඇති අතර, පසුව ඔවුන්ව රෝහල් ගත කිරීමටයි කටයුතු කර ඇත්තේ.
කෙසේ වෙතත් වෛද්යවරු පවසා ඇත්තේ ඉන් එක් අයෙක් මියගොස් සිටි බවයි.
සුරේෂ් සහ නරේෂ් නැමැති මෙම තරුණයින් දෙදෙනා එකම පෞද්ගලික සමාගමක සේවය කර තිබෙනවා.
පොලිසිය පවසන්නේ අදාළ සමාගමේ සේවය කළ බොබී නම් කාන්තාවක් පසුගිය වසර හතක කාලය තුළ නරේෂ් සමඟ සමීප සම්බන්ධතාවයක් පවත්වා ඇති බවයි.
බොබී මෑතකදී සුරේෂ් ද සමඟ කතා කිරීමට පටන් ගෙන ඇති බවත්, නරේෂ් ඊට විරුද්ධ වී ඇති බවත් පොලිසිය පවසනවා.
පොලිසියට අනුව, සුරේෂ් සහ නරේෂ් බ්රහස්පතින්දා රාත්රියේ සිර්සා සර්කල් අසලදී හමුවී එකට බියර් පානය කර ඇති අතර, එහිදී මෙම ගැටලුව සම්බන්ධයෙන් බහින්බස්වීමක් දෙදෙනා අතර ඇති වී තිබෙනවා.
පසුව එය ගැටුමක් දක්වා දුරදිග ගොස් ඇති අතර, එම අවස්ථාවේ දී නරේෂ් තියුණු ආයුධයකින් සුරේෂ්ට පහර දී ඇති බවයි වාර්තා වන්නේ.
ගැටුමෙන් පසු දෙදෙනාම රෝහලට ගෙන ගිය අතර, එහිදී වෛද්යවරු සුරේෂ් මිය ගිය බව ප්රකාශ කර ඇති අතර, ගැටුමේ දී බරපතළ තුවාල ලැබූ නරේෂ් පොලිස් අත්අඩංගුවේ රෝහල් ගතව ප්රතිකාර ලබනවා.
