පාරිභෝගික කටයුතු අධිකාරියේ විධායක අධ්‍යක්ෂ ඉල්ලා අස්වෙයි

පාරිභෝගික කටයුතු පිළිබඳ අධිකාරියේ විධායක අධ්‍යක්ෂ, තුෂාන් ගුණවර්ධන මහතා එම ධූරයෙන් ඉල්ලා අස්වීමට තීරණය කර තිබේ.

ඉල්ලා අස්වීමේ ලිපිය එළඹෙන අඟහරුවාදා දිනයේ දී රාජ්‍ය අමාත්‍ය ලසන්ත අලගියවන්න මහතාට ලබා දීමට නියමිතය.

භාණ්ඩ මිලදී ගැනීමට අදාළ කොන්ත්‍රාත් ගිවිසුම් කිහිපයකට අත්සන් කිරීමට බලපෑම් කිරීම , අක්‍රමිකතාවලට විරුද්ධ වීම ඇතුළු සිද්ධි ගණනාවක දී තමාට එල්ලවු බලපෑම් හේතුවෙන් මෙලෙස තනතුරින් ඉල්ලා අස්වෙන බව තුෂාන් ගුණවර්ධන මහතා සඳහන් කළේය.